बंगळूर : राज्यातील नेतृत्व बदलाच्या पार्श्वभूमीवर राज्यात कोणतेही राजकीय संकट नसल्याचे मुख्यमंत्री बी.एस. येडियुरप्पा (B.S. yediyurappa) यांनी शुक्रवारी येथे सांगितले. येडीयुरप्पा यांनी आपला मुलगा, भाजप उपाध्यक्ष बी. वाय. विजयेंद्र (B.Y. Vijayendra) यांच्यावरील भ्रष्टाचाराचे आरोपही खोडून काढले. "कोणतेही राजकीय संकट किंवा गोंधळ नाही. जे काय होत आहे ते एक-दोन (karnataka politics) लोकांमुळे." आमच्या माध्यमाच्या मित्रांनी गैरसमज निर्माण केला आहे, असे येडीयुरप्पा यांनी पत्रकारांना सांगितले.

जलसंपदा विभागातील २० हजार कोटी रुपयांच्या निविदेचे उदाहरण देऊन, भाजपचे ज्येष्ठ आमदार एच. विश्वनाथ (H vishawnath) यांनी गुरुवारी येडियुरप्पा आणि त्यांच्या मुलावर भ्रष्टाचाराचे आरोप लावले, ते निराधार आहेत. आमचे पाटबंधारे सचिव सर्व काही स्पष्टीकरण देतील. अनावश्यकपणे हे आरोप केले जात आहेत, असे मुख्यमंत्री म्हणाले.

कोणताही गोंधळ उरला नाही, हे सांगून येडीयुरप्पा म्हणाले, सर्व मंत्री एकत्रितपणे विकासासाठी काम करीत आहेत. कुणाच्या अनावस्यक कुरबुरीमुळे ते विचलीत झालेले नाहीत. राज्याच्या काही भागात पूर परिस्थिती निर्माण झाल्याचे सांगून मुख्यमंत्र्यांनी शनिवारी (१९) अतिवृष्टी होत असलेल्या जिल्हाधिकाऱ्यांशी व्हिडिओद्वारे संवाद साधणार असल्याचे सांगितले. जिल्ह्यातील पूर परिस्थितीची माहिती घेऊन आवश्यक उपाययोजना करण्यात येतील, असे ते म्हणाले.