सोलापूर : पंतप्रधान मोदी (Prime Minister Narendra Modi) यांनी दहा दिवसांपूर्वी प्रधानमंत्री किसान सन्मान निधी योजनेच्या (Pradhan Mantri Kisan Sanman Nidhi Yojana) नवव्या हप्त्याची रक्कम जारी केली होती. प्रधानमंत्री किसान सन्मान निधी योजनेअंतर्गत नववा हप्ता शेतकऱ्यांच्या खात्यात जमा होत आहे. शेतकऱ्यांची स्थिती सुधारण्यासाठी केंद्र सरकार (Central Government) ही योजना चालवत आहे.

या योजनेअंतर्गत दोन हेक्‍टरपर्यंत लागवडयोग्य जमीन असलेल्या छोट्या आणि सीमांत शेतकऱ्यांना सरकार दरवर्षी सहा हजार रुपयांची मदत देते. परंतु असे काही शेतकरी आहेत ज्यांच्याबद्दल सरकारने स्पष्ट केले आहे, की त्यांना या योजनेचा लाभ दिला जाणार नाही. सरकारने पीएम किसान योजनेच्या अधिकृत वेबसाइटवर यासंदर्भातील सूचना जारी केल्या आहेत. जाणून घ्या ज्यांना पीएम किसान योजनेचा लाभ मिळणार नाही अशा शेतकऱ्यांबद्दल...

या शेतकऱ्यांना पंतप्रधान किसान योजनेचा लाभ मिळणार नाही ...

• सर्व संस्थात्मक जमीनधारक शेतकरी

• शेतकरी, संवैधानिक पदांचे माजी आणि वर्तमान धारक

• माजी आणि विद्यमान मंत्री / राज्यमंत्री आणि लोकसभा / राज्यसभा / राज्य विधानसभा / राज्य विधान परिषदांचे माजी / विद्यमान सदस्य, महानगरपालिकांचे माजी आणि विद्यमान महापौर, जिल्हा पंचायतीचे माजी आणि विद्यमान अध्यक्ष

• केंद्र/राज्य सरकारची मंत्रालये / कार्यालये / विभाग आणि त्याच्या क्षेत्रीय युनिट्‌स, केंद्रीय किंवा राज्य सार्वजनिक उपक्रम आणि संलग्न कार्यालये / स्वायत्त संस्था आणि सरकार अंतर्गत स्थानिक संस्थांचे नियमित कर्मचारी, सेवेत असलेले किंवा सेवानिवृत्त अधिकारी आणि कर्मचारी या योजनेचा लाभ मिळणार नाही.

• परंतु, मल्टी-टास्किंग कर्मचारी, चतुर्थ श्रेणी आणि ड गटातील कर्मचाऱ्यांना पीएम किसान योजनेचा लाभ मिळेल.

• निवृत्त निवृत्तिवेतनधारक ज्यांचे मासिक पेन्शन 10,000 रुपये किंवा त्याहून अधिक आहे त्यांना या योजनेची रक्कम मिळणार नाही

• गेल्या मूल्यांकन वर्षात आयकर भरणाऱ्या सर्व व्यक्ती या योजनेच्या लाभापासून वंचित राहतील.

• डॉक्‍टर, अभियंते, वकील, चार्टर्ड अकाउंटंट आणि आर्किटेक्‍ट यांसारखे व्यावसायिक नोंदणीकृत आहेत आणि व्यावसायिक संस्थांकडे सराव करतात, अशा व्यक्तींनाही पंतप्रधान किसान योजनेचा लाभ मिळणार नाही.