पटनाच्या टीनी टोट शाळेजवळच्या नाल्यात 7 वर्षाच्या मुलाचा मृतदेह सापडला. यामुळे खळबळ उडाली आहे. या घटनेनंतर मोठ्या प्रमाणावर पालकांचा जमाव शाळा आणि पोलिस स्टेशनमध्ये जमला आहे. शाळेतील जवळपास 10 मिनीटांच सीसीटीव्ही फुटेज गायब असल्याचा आरोप पालकांनी केला आहे. त्यामुळे संतप्त जमावाने तोडफोड करत शाळेला आग लावली.

या आगीमुळे मोठ्या प्रमाणावर नुकसान झालं आहे. अग्निशमन दलाने आग विझवली असून मोठ्या प्रमाणावर पोलिसांचा बंदोबस्त वाढवला. पोलीस या प्रकरणाचा तपास करत आहेत. 

नेमकं काय घडलं?

टिनी टॉट नावाच्या एका खाजगी शाळेत एका 4 वर्षाच्या मुलाचा मृतदेह आढळून आला. गुरुवारी सकाळी मुलगा शाळेत गेला होता, असे सांगण्यात येत आहे. मात्र मुलगा सुट्टीनंतर शाळेतून परतला नाही. यानंतर कुटुंबीयांनी मुलाचा शोध सुरू केला. मुलाच्या शोधात कुटुंबीय शाळेत गेले.

तरीही कुटुंबीय राजी न झाल्याने मुलाचा शोध घेण्यासाठी शाळेत शोधाशोध सुरू केली. मुलाच्या शोधात कुटुंबीयांनी शाळेच्या आवारातील एका खोलीचे गटार उघडले आणि सगळेच अवाक् झाले. गटारात एका मुलाचा मृतदेह पडलेला होता. यानंतर शाळेत एकच गोंधळ उडाला.

कुटुंबीयांनी शाळेत चांगलाच गोंधळ घातला. यानंतर घटनेची माहिती तात्काळ दिघा पोलीस ठाण्याच्या पोलिसांना देण्यात आली. घटनेची माहिती मिळताच पोलीस पथक घटनास्थळी पोहोचले. यानंतर पोलिसांनी कुटुंबीयांना शांत करण्याचा प्रयत्न केला आणि मुलाचा मृतदेह पोस्टमॉर्टमसाठी पाठवला.

मृतदेह पोस्टमॉर्टमसाठी पाठवल्यानंतर पोलिसांनी या प्रकरणाचा तपास सुरू केला आहे. याठिकाणी संतप्त स्थानिक नागरिक आणि कुटुंबीयांनी चांगलाच गोंधळ घातला. रास्ता रोको करून जाळपोळ करण्यात आली. तसेच शाळेचा काही भाग स्थानिक लोक आणि कुटुंबीयांनी पेटवून दिला.