नवी दिल्ली : उत्तर प्रदेशातील मथुरा येथून एक धक्कादायक व्हिडिओ समोर आला आहे. व्हिडीओमध्ये पंतप्रधान नरेंद्र मोदी, उत्तर प्रदेशचे मुख्यमंत्री योगी आदित्यनाथ आणि माजी राष्ट्रपती एपीजे अब्दुल कलाम यांचे फोटो कचऱ्याच्या ट्रकमध्ये टाकण्यात आले. व्हिडिओ व्हायरल झाल्यानंतर महापालिकेने कचऱ्याच्या गाडीवरील कर्मचाऱ्याला निलंबीत करण्यात आले आहे. (pm modi and yogi adityanath news in marathi)

नागरिकांनी महापालिकेच्या कर्मचाऱ्याला थांबवून पंतप्रधानांसह इतर लोकांचे फोटो कचऱ्याच्या गाडीत ठेवण्याबाबत जाब विचारला. त्यावर कर्मचारी म्हणाला की, या फोटोंशी माझा काहीही संबंध नाही. कचऱ्यात फेकण्यात आले तेच मी उचलून आणले. मथुरेत कचऱ्याची गाडी घेऊन जाणाऱ्या या कर्मचाऱ्याला काही लोकांनी पहिले आणि अडवले. यानंतर कर्मचारी आणि त्याच्या गाडीचा व्हिडिओ बनवण्यात आला.

दरम्यान, उपस्थितांनी कचऱ्यात पडलेले सर्व फोटो बाहेर काढून स्वच्छ केले. यावेळी एका व्यक्तीने म्हटलं की, आम्ही मोदीजी आणि योगीजींचे फोटो अलवरला घेऊन जाऊ. ते या देशाचा आत्मा आहे, त्यामुळे त्यांचे फोटो अशाप्रकारे कचऱ्यात टाकू देणार नाही. याचा व्हिडीओ व्हायरल झाल्यानंतर सोशल मीडियावर अनेकांनी आपल्या प्रतिक्रियाही दिल्या आहेत. काहींनी म्हटले की, पीएम मोदी आणि योगी आदित्यनाथ हे संवैधानिक पदावर बसले आहेत, अशा परिस्थितीत त्यांचा फोटो अशा कचऱ्याने ठेवणे योग्य नाही.

या संपूर्ण प्रकरणाबाबत मुथरा-वृंदावन महानगरपालिकेचे अतिरिक्त आयुक्त सत्येंद्र कुमार तिवारी म्हणाले की, कर्मचाऱ्याने चुकून पंतप्रधान आणि मुख्यमंत्र्यांचे फोटो कचऱ्याच्या गाडीत ठेवले. याबद्दल आम्ही संबंधित कर्मचाऱ्याला निलंबीत केलं आहे.