वाराणसी : पंतप्रधान नरेंद्र मोदींच्या (pm narendra modi) काशी दौऱ्याचा आजचा दुसरा दिवस आहे. पंतप्रधानांनी काल मध्यरात्री वाराणसीच्या (varanasi) कामांचा आढावा घेतला. दरम्यान आज पंतप्रधान मोदींनी भाजपच्या मुख्यमंत्र्यांची (bjp cm meeting) बैठक घेतली. या बैठकीत भाजपशासित 12 राज्यांचे मुख्यमंत्री सहभागी झाले होते. ज्यामध्ये सरकारची धोरणे, योजनांचा प्रचार, आगामी विधानसभा निवडणुका, जनतेशी संपर्क अशा सर्व मुद्यांवर जोरदार विचारमंथन झाले. बैठकीत काय घडले? वाचा सविस्तर

मोदींची 12 राज्यांच्या मुख्यमंत्र्यांसोबत बैठक, बैठकीत काय घडले?

-पंतप्रधानांसोबत मुख्यमंत्र्यांची बैठक साधारण १०.३० वाजता सुरू झाली आहे. या बैठकीत भाजपशासित 12 राज्यांचे मुख्यमंत्री सहभागी झाले होते.

-बैठकीला उपस्थित असलेले सर्व मुख्यमंत्र्यांनी पीएम मोदींना त्यांच्या राज्यांच्या विकासकामांची माहिती दिली.

-या बैठकीला भाजपचे राष्ट्रीय अध्यक्ष जेपी नड्डाही उपस्थित होते. उत्तर प्रदेशच्या मुख्यमंत्र्यांना या बैठकीत जास्तीत जास्त वेळ मिळणार होता, त्यात ते विकासकामांची आणि आगामी निवडणुकीच्या तयारीची माहिती दिल्याचे सांगण्यात आले.

-या बैठकीत आगामी विधानसभा निवडणुका लक्षात घेता पंतप्रधान मोदी मुख्यमंत्र्यांनाही संयमाचा धडा शिकवतील, असे जाणकारांचे मत होते.

-पंतप्रधान नरेंद्र मोदी यांनी एकाचवेळी अनेक समस्या सोडवण्याचा प्रयत्न केला. पंतप्रधानांच्या दौऱ्याच्या दूरगामी परिणामाकडे आता सर्वांचे लक्ष लागले आहे.

-सर्व मुख्यमंत्र्यांनी आपापल्या राज्यात केलेल्या विकासकामांचे सादरीकरण केले. बैठकीचा अजेंडा जाहीर करण्यात आला नसला तरी यूपीसह पाच राज्यांमध्ये होणाऱ्या विधानसभा निवडणुकीसाठी रणनीती आखण्यात येत असल्याची चर्चा आहे.

-मिळालेल्या माहितीनुसार, पंतप्रधानांनी योगी सरकारचे कौतुक करतानाच सर्व मुख्यमंत्र्यांना सल्लाही दिला. योगी सरकारचे कौतुक करताना पीएम मोदी म्हणाले की, कोणतेही काम खंबीर मनाने केले तर ते पूर्ण होण्यापासून कोणीही रोखू शकत नाही.

-पीएम मोदींनी सर्व मुख्यमंत्र्यांना राज्य सरकारच्या योजना आणि केलेल्या कामांचा संदेश जनतेपर्यंत पोहोचवण्यास सांगितले. लोकशाहीत जनताच सर्वस्व असते. विकासाभिमुख आणि भ्रष्टाचारमुक्त धोरणावर काम करा. असा सल्ला मोदींनी दिला.

-पंतप्रधानांनी सर्व मुख्यमंत्र्यांना सूचना दिल्या आहेत. 'सबका साथ-सबका विकास' याचे स्वप्न सत्यात आणा. संस्थेतील सर्वांमध्ये सतत संवाद धोरणे आणि योजनांच्या प्रचारात कोणतीही कमतरता राहू नये कोणत्याही परिस्थितीत योजनांचा लाभ लोकांपर्यंत पोहोचला पाहिजे.

-Omicron पार्श्वभूमीवर सावधगिरी बाळगा. या बैठकीत पंतप्रधानांनी मुख्यमंत्र्यांना कोरोनाचे नवीन प्रकार ओमिक्रॉनबाबत सावध राहण्यास सांगितले आहे.

-ही बैठक संपल्यानंतर उमरा येथील स्वर्वेद महामंदिर धाम येथे आयोजित कार्यक्रमात पीएम मोदी सहभागी होतील. येथे पंतप्रधान देशभरातून येणाऱ्या लोकांना संबोधित करतील.