उत्तर प्रदेश मधील कन्नौज पोलिसांचा लाजीरवाना चेहरा लोकांसमोर आला आहे, कन्नौज मध्ये एका 17 वर्षांच्या अल्पवयीन मुलीवर बलात्कार झाल्याची घटना घडली होती. त्याच्या तपासाची विचारपूस करण्यासाठी पोलिस स्टेशनमध्ये गेलेल्या पिडीतेच्या आईवर पोलिस कर्मच्याऱ्यांने बलात्कार केला. त्यानंतर कन्नौजच्या एसपींच्या आदेशानुसार बलात्काराचा गुन्हा दाखल करण्यात आला आहे. चौकीच्या प्रभारीला अटक करून कारागृहात पाठवण्यात आले आहे.

ही घटना कन्नौज कोतवाली पोलिस स्टेशनच्या लगतच्या गावातील आहे, येथे एका अल्पवयीन मुलीवर बलात्कार झाला होता. या प्रकरणाचा तपास कन्नौज शहरातील कोतवाली भागातील हाजी शरीफ चौकीचे प्रभारी अनुप कुमार मौर्य यांना ही जबाबदारी देण्यात आली होती. मुलीला न्याय मिळवून देण्याच्या आश्वासनाने चौकीच्या प्रभारीने पिडीताच्या आईला सरकारी बंगल्यात बोलवून तिच्यावर बलात्कार केला.

महिलेने तिच्या तक्रारीमध्ये हाजी शरीफ चौकीचे प्रभारी अनूप कुमार मौर्य यांच्यावर बलात्काराचा आरोप केला आहे. घटनेची दखल घेत SP अनुपम सिंह यांनी प्रकरणाचे गांभीर्य लक्षात घेऊन आरोपी सीओ शिव प्रताप सिंह यांना 24 तासांत चौकशी करून अहवाल देण्यास सांगितले होते. सीईओ यांच्या चौकशीत चौकी प्रभारीनेच महिलेवर बलात्कार केल्याचे सिद्ध झाले. याच्या नंतर महिलेची वैद्यकीय चाचणी केली, आणि आरोपी चौकी प्रभारी याची कारागृहात रवानगी करण्यात आली. एसपींनी सांगितल की दोषींना कठोरात कठोर शिक्षा देण्याचा प्रयत्न करू.