मुंबई : देशभरातील विरोधी पक्षांच्या ‘इंडिया’ या आघाडीच्या मुंबईतील बैठकीच्या तयारीला वेग आला आहे. ठाकरे गटाकडून या बैठकीसाठी देशभरातील २७ पक्षांच्या प्रमुखांना निमंत्रणे पाठविण्यात आली आहेत. पाच राज्यांच्या मुख्यमंत्र्यांसह काँग्रेसचे दिल्लीतील श्रेष्ठी आणि प्रादेशिक पक्षांचे प्रमुख नेते बैठकीला उपस्थित राहणार आहेत.
या बाबत खासदार संजय राऊत म्हणाले, ‘‘इंडिया आघाडीच्या बैठकीचे यजमानपद उद्धव ठाकरे यांच्याकडे आहे. मुंबईतील बैठकीची तयारी जोरात सुरू आहे. आतापर्यंत २७ पक्षांच्या प्रमुख नेत्यांना निमंत्रणे गेली
आहेत. पाच राज्यांचे मुख्यमंत्री या बैठकीला उपस्थित राहणार आहेत. काँग्रेसचे अध्यक्ष मल्लिकार्जुन खर्गे, राहुल गांधी, ‘राजद’चे लालूप्रसाद यादव, संयुक्त जनता दलाचे नितीशकुमार, तृणमूल काँग्रेसच्या ममता बॅनर्जी, नॅशनल कॉन्फरन्सचे फारुख अब्दुल्ला हे नेते या बैठकीला येतील. शरद पवार यांनाही निमंत्रण दिले आहे. या बैठकीच्या निमित्ताने मुंबई व महाराष्ट्र देशाचे नेतृत्व करताना पाहील, असेही राऊत म्हणाले.
सर्वांना पक्षविस्ताराचा अधिकार
दरम्यान, दिल्लीतील जागांवरून आप आणि काँग्रेसमध्ये जुंपली आहे. या संदर्भात विचारले असता राऊत म्हणाले की, प्रत्येक राज्यात अनेक पक्ष आहेत. प्रत्येकाला विस्तार करण्याचा अधिकार आहे. जागावाटपासाठी दोन्ही पक्ष बसून चर्चा करतील. या वेळी कोणत्याही परिस्थितीत आप आणि काँग्रेस एकत्र निवडणूक लढवेल. एखाददोन जागा इकडेतिकडे होतील. पण दोन्ही पक्ष एकत्र लढतील, असा दावाही त्यांनी केला.
शरद पवारांपासून फुटून गेले म्हणतात आणि शरद पवार हेच आमचे नेते असल्याचे सांगतात. तुमच्यात धमक आणि हिंमत नाही का, स्वतःच्या हिमतीवर पक्ष काढा. शरद पवार जर देव आहेत, तर त्यांच्या पाठीत खंजीर का खुपसला.
- संजय राऊत, खासदार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.