नवी दिल्ली : स्वातंत्र्यवीर सावरकर यांच्या जयंतीनिमित्त पंतप्रधान नरेंद्र मोदी यांनी आज सावरकरांच्या कार्याचे स्मरण करून त्यांना आदरांजली वाहिली. गृहमंत्री अमित शहा यांनीही सावरकरांच्या मातृभूमीसाठी केलेल्या कार्याला उजाळा देत त्यांना अभिवादन केले. लोकसभाध्यक्ष ओम बिर्ला यांनी जुन्या संसदेच्या केंद्रीय कक्षामध्ये असलेल्या सावरकरांच्या प्रतिमेला पुष्पांजली अर्पण केली.
स्वातंत्र्यवीर सावरकरांच्या जयंतीनिमित्त पंतप्रधान नरेंद्र मोदींनी ‘एक्स’वरील पोस्टच्या माध्यमातून सावरकरांना अभिवादन केले. ‘‘मातृभूमीच्या सेवेसाठी आपले जीवन समर्पित करणारे महान स्वातंत्र्यसेनानी वीर सावरकर यांना त्यांच्या जयंतीनिमित्त विनम्र अभिवादन,’’ असे पंतप्रधानांनी म्हटले.
तर केंद्रीय गृहमंत्री अमित शहा यांनीही सावरकरांच्या योगदानाचे स्मरण केले. ‘‘सावरकरांनी राष्ट्रवादाचा मंत्र आत्मसात केला आणि तुष्टीकरणाच्या धोरणांना कट्टर विरोध केला. असंख्य यातनाही सहन केल्या.
आपल्या आयुष्यातील प्रत्येक क्षण राष्ट्रासाठी समर्पित करणाऱ्या वीर सावरकरांनी अस्पृश्यतेच्या विरोधात जनजागृती मोहीम सुरू केली. स्वातंत्र्याचे द्रष्टे वीर सावरकर यांना भावपूर्ण आदरांजली,’’ असे अमित शहा यांनी म्हटले आहे. दरम्यान, लोकसभा अध्यक्ष ओम बिर्ला यांनी आज संविधान सदनाच्या सेंट्रल हॉलमध्ये स्वातंत्र्यवीर सावरकर यांच्या जयंतीनिमित्त त्यांना पुष्पहार अर्पण करून आदरांजली वाहिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.