नवी दिल्ली : लोकसभा निवडणूक २०२४ मध्ये भाजपला रोखण्यासाठी विरोधी पक्षांनी इंडिया आघाडीची स्थापना केली.मात्र या इंडिया आघाडीत लोकसभा निवडणूकीपूर्वीच मतभेद पाहायला मिळात आहेत. पंजाब काँग्रेस आप बरोबर कदापी युती करणार नाही असं स्पष्ट केलं आहे.

पंजाब काँग्रेस प्रभारी हरीश चौधरी यांची वरिष्ठ नेत्यांसोबत महत्त्वपूर्ण बैठक पार पडली. या बैठकीनंतर पंजाब काँग्रेसने आपसोबत कधीच युती करणार नाही असं सांगितलं आहे. पंजाब मधील लोकसभेच्या सर्व म्हणजेच 13 जागा पंजाब काँग्रेस स्वबळावर लढवणार आहे.

पंजाब काँग्रेसच्या या निर्णयामुळे विरोधी पक्षांच्या इंडिया आघाडीत सर्व काही ठीक नसल्याचं चित्र आहे. लोकसभा निवडणुकीच्या तयारीत असलेला इंडिया महायुतीसाठी हा विषय आणखी अडचणीचा ठरणार आहे. पंजाब काँग्रेसने आम आदमी पार्टीसोबत युती करण्यास नकार दिला देत पंजाबमधील सर्व 13 जागांवर लढवण्याचा निर्णय इंडिया आघाडीच्या भविष्यासाठी घातक ठरू शकतो.

आम आदमी पक्ष आणि काँग्रेस यांच्यात एकमत न होऊ शकल्याने इंडिया आघाडीमध्ये सर्व काही अलबेल नसल्याचीच चर्चांना खतपाणी मिळणार आहे.