पूर्णिया : दार्जिलिंगच्या एका महिलेनं पूर्णियामध्ये सिलीगुडीहून (Purnea Siliguri) येणाऱ्या बसमधून उडी मारली. चालत्या बसमधून उडी मारल्यामुळं महिला गंभीर जखमी झाली आहे.

दरम्यान, महिलेला बायसी पोलिसांनी (Baisi Police) उपचारासाठी रुग्णालयात दाखल केलं असून, तिची प्रकृती चिंताजनक आहे. 35 वर्षीय महिला दार्जिलिंगची (Darjeeling Women) रहिवासी असून शाळेत शिक्षिका असल्याचं सांगण्यात येत आहे.

ही महिला काही ओळखीच्या व्यक्तींसोबत बसमधून प्रवास करत असल्याचं सांगण्यात येत आहे. बसमध्ये महिलेचा विनयभंग करण्यात आला, त्यामुळं महिलेनं चालत्या बसमधून उडी मारली. मात्र, महिलेचा विनयभंग कोणी केला, हे तूर्तास समजू शकलेलं नाही. सध्या ही महिला बेशुध्द अवस्थेत आहे. पोलीस या घटनेचा शोध घेत आहेत.