Rahul Gandhi Disqualified: राहुल गांधींना सुनावलेली शिक्षा, खासदारकी रद्द होणं यावरुन देशातलं वातावरण तापलं आहे.देशभरात सर्वच पक्षांकडून या गोष्टींवर भाष्य केलं जात असतानाच इतर देशांचंही या राहुल गांधी प्रकरणाकडे लक्ष आहे. अमेरिकेनंतर आता जर्मनीनेही या प्रकरणी भाष्य केलं आहे.

अमेरिकेने दोन दिवसांपूर्वी या प्रकरणावरुन नाराजी व्यक्त केली होती. त्यानंतर आता जर्मनीने आपली भूमिका मांडली आहे. जर्मनीच्या प्रवक्त्यांनी सांगितलं की, काँग्रेस नेते राहुल गांधींवर झालेल्या कारवाईची आम्ही दखल घेतली आहे. आमच्या माहितीनुसार, राहुल गांधी याबद्दल पुनर्विचार याचिका दाखल कऱणार आहे. त्यानंतर ही कारवाई योग्य की अयोग्य हे समोर येईलच.

आमचं या प्रकरणाकडे लक्ष असेल, राहुल गांधींवर कारवाई करताना लोकशाहीची मूलभूत तत्वं पाळली पाहिजेत, अशी अपेक्षा जर्मनीने व्यक्त केली आहे.

काय आहे प्रकरण?

राहुल गांधी यांनी २०१९ साली एका सभेत मोदी आडनावावरुन एक विधान केलं होतं. यामध्ये चोरी आडनावाचे सगळेच चोर असतात का? असं राहुल गांधी म्हणाले होते.

त्यामुळे ते अडचणीत आले होते. त्यानंतर सूरत कोर्टाने त्यांना दोन वर्षांची शिक्षा सुनावली. त्यानंतर लगेचच लोकसभा अध्यक्षांनी राहुल गांधी यांची खासदारकी रद्द केली आहे.