भिवाडी, अलवरमध्ये (Bhiwadi, Alwar) तीन दिवसांपूर्वी एका गायीवर (Cow) अत्याचार केल्याचा व्हिडिओ व्हायरल (Video Viral) झाल्यानंतर पोलीस दलात खळबळ उडालीय. भिवाडी पोलीस अधीक्षकांच्या सूचनेवरून, पोलिसांनी एक पथक तयार करून चार आरोपींना अटक केलीय. तसेच अटकेत असलेल्या आरोपींची चौकशी सुरु असून या कृत्यात आणखी कोणाचा हात आहे का? याचाही शोध पोलीस घेत आहेत.

गोपालक फतेह मोहम्मद (Fateh Mohammad) यांनी पोलिसांना सांगितलं की, चुहारपूरच्या जंगलात (Chuharpur Forest) ते गुरे चारण्यासाठी गेले होते. तेथून गावी परतत असताना त्यांच्याच गावातील काही लोकांनी एका गायीला दोरीनं बांधून तिच्यासोबत चुकीचं कृत्य केल्याचं त्यांनी पाहिलं. फतेह मोहम्मद यांनी प्रतिकार केला असता, त्यांना जीवे मारण्याची धमकी देऊन तेथून आरोपींनी पळ काढला. या घटनेचा व्हिडिओही आरोपींनी व्हायरल केला होता.

या घटनेचा व्हिडिओ व्हायरल झाल्यानंतर पोलिसांनी ही कारवाई केलीय. पोलिस अधीक्षक शंतनू कुमार यांच्या निर्देशानुसार, चोपंकी पोलीस स्टेशनच्या (Chopanki Police Station) पोलिस पथकानं 4 आरोपींना अटक केली असून इतर आरोपींनाही पकडण्याचे प्रयत्न सुरू आहेत. अटक करण्यात आलेल्या आरोपींमध्ये जुबेर (वय 21), चुन्ना उर्फ ​​तारीफ (वय 20), तालीम आणि वारिस यांचा समावेश आहे. सर्व आरोपी चोपंकी, भिवाडी येथील रहिवासी आहेत. दरम्यान, पोलिसांपासून वाचण्यासाठी सर्व आरोपी आपल्या नातेवाईकांसह मेवात, हरियाणात लपून बसले होते. मात्र, पोलिसांनी तत्परतेनं चारही आरोपींना अटक केलीय. या घटनेचा सामाजिक संघटनांकडून तीव्र शब्दांत निषेध नोंदवण्यात येत आहे.