राजस्थानातील भीलवाडा जिल्ह्यात एक खळबळजन घटना घडली. जहापूर उपखंड या भागात रस्त्यावर घडलेली ही घटना सोशल मिडीयावर तुफान व्हायरल झाली. येथील हनुमाननगर परिसात दोन युवतींनी आपल्या वडिलांना एका अनोळखी महिलेसोबत पाहिले. यानंतर रस्त्यावर जो काही गोंधळ सुरु झाला, त्याला अनेकांनी आपल्या मोबाईलमध्ये कैद केले.

राग अनावर झालेल्या या दोन युवतींनी आपल्या वडिलांच्या या मैत्रीणीला मारहाण केली. या घटनेमुळे परिसरात काही काळ तणावाचे वातावरण निर्माण झाले होते. बऱ्याचा काळासाठी परिसरातील वाहतूक रखडली होती. या हाय होल्टेज ड्राम्यानंतर येथे जमलेले लोक मार्गस्थ झाले. या संपूर्ण घटनेचा व्हिडिओ व्हायरल झाला असून यात वडील मुलीला आपल्या चारचाकी गाडीने पुढे ढकलत असल्याचे दृश्य दिसत आहे.

मिळालेल्या माहितीनुसार घडलेली घटना अशी, कुचलवाडा रस्त्यावर अचानक एका चारचाकीसमोर दोन युवती येऊन उभ्या राहिल्या. ती त्यांच्या वडिलांची गाडी होती. समोरुन येणाऱ्या चारचाकीचे स्पीड कमी असल्याने यावेळी कोणताही अपघात झाला नाही. परंतु कोणत्याच परिस्थितीत त्या मुलींनी चारचाकी पुढे जाऊ दिली नाही. कारण त्या चारचाकीमध्ये त्यांच्या वडिलांसोबत त्यांची प्रेयसी असल्याचे त्यांचे म्हणणे होते. त्यांच्यासोबत बसलेली ती अनोळखी महिला त्यांची प्रेयसी असून मागील बरेच दिवस वडिलांसोबत तिचे प्रेमसंबंध असल्याची माहिती त्यांना मिळाली होती. याप्रकरणी त्यांच्या घरात वारंवार खटके उडत होते. यावेळी या युवतींनी वडिलांना गाडीतून बाहेर काढत काय खरे आणि काय खोटे याची शहानिशा करायला सांगितले.

भररस्त्यात त्या महिलेला मारहाण

या दोन्ही युवतींनी तिच्या वडिलांसोबत बसलेल्या महिलेला गाडीतून बाहेर काढून मारहाण केली. यावेळी जमलेल्या लोकांनी त्यांना रोखण्याचा प्रयत्न केला. ही हातापाई होत असताना ती महिला पळून गेली. या घटनेदरम्यान त्या दोघींनी वडीलांना आणि त्यांच्या प्रियसीला जोरदार मारहाण केली.