राष्ट्रीय शैक्षणिक संशोधन आणि प्रशिक्षण परिषद (NCERT) ने इयत्ता 12वीच्या राज्यशास्त्राच्या पुस्तकात अनेक मोठे बदल केले आहेत. अयोध्या आंदोलन आणि गुजरात दंगलीशी संबंधित महत्त्वाच्या घटनांच्या तपशिलाबाबत पुस्तकात बदल करण्यात आले आहेत. यावर विरोधक टीका करत आहेत. काल NCERT प्रमुख दिनेश सकलानी यांनी देखील स्पष्टीकरण दिले होते. दरम्यान यावर आता अयोध्येच्या राम मंदिराचे मुख्य पुजारी सत्येंद्र दास महाराज यांनी देखील प्रतिक्रिया दिली.

सत्येंद्र दास महाराज म्हणाले, अभ्यासक्रमात केलेल्या बदलावर ते समाधानी नाहीत. बाबरी मशीद प्रकरणासंदर्भात एनसीईआरटीच्या नवीन पाठ्यपुस्तकात काही उणिवा आहेत. पुस्तकात 6 डिसेंबर 1992 रोजी तीन घुमटाची रचना कशी हटवण्यात आली याचा उल्लेख नाही. पुस्तकात ते 9 नोव्हेंबर 2019 रोजी अयोध्येचा निकाल दिल्यानंतरच माहिती देण्यात आली आहे.

राम मंदिराचे मुख्य पुजारी म्हणाले, 'या पुस्तकात 6 डिसेंबर 1992 च्या घटनांचा तपशील नाही, जेव्हा बाबरी मशीद पाडली गेली. 22 डिसेंबर 1949 रोजी मशिदीच्या आवारात प्रभू राम लल्ला यांची मूर्ती कधी प्रकट झाली याचा उल्लेख पुस्तकात नाही.

तर NCERT चे संचालक दिनेश प्रसाद सकलानी यांनी अभ्यासक्रमाचे भगवेकरण केल्याचा आरोप फेटाळून लावला आहे. दंगली शालेय पाठ्यपुस्तकांमध्ये का शिकवल्या पाहिजेत?, असा सवाल देखील सकलानी यांनी उपस्थित केला.

नॅशनल कौन्सिल ऑफ एज्युकेशनल रिसर्च अँड ट्रेनिंग (NCERT) ने बारावीच्या राज्यशास्त्राच्या पुस्तकात अनेक मोठे बदल केले आहेत. यामध्ये बाबरी मशीद हा शब्द काढून टाकण्यात आला आहे, त्याऐवजी तीन घुमट वास्तू असे वर्णन करण्यात आले आहे. याशिवाय अयोध्येचा अध्याय चार पानांवरून दोन पानांचा करण्यात आला आहे.