नवी दिल्ली : Reliance Jio डाऊन झाल्यानं गेल्या काही तासांपासून युजर्सना अडचणींचा सामना करावा लागत आहे. यामध्ये Reliance Jio, Jio Fiber, Jio 5G या सेवा बंद पडल्यानं युजर्सकडून ट्विटरवर अक्षरशः तक्रारींचा पाऊस पडला. यामुळं JioDown हा हॅशटॅग ट्रेंडिंगमध्ये होता. (Reliance Jio Suffers Major Outage In Several Metro Cities)

जिओ डाऊन झाल्याचा फटका देशभरातील विविध शहरांमध्ये बसला आहे. याचा त्रास होऊ लागल्यानं त्यांनी ट्विटरवर जिओ नेटवर्क वापरताना अडचणी येत असल्याचं म्हटलं आहे. त्याचबरोबर अनेकांनी घरात वापरणारं ब्रॉडबँड इंटरनेट 'जिओ फायबर' वापरतानाही अडचणी येत असल्याचं म्हटलं आहे.

डाऊन डिरेक्टरच्या माहितीनुसार, जिओ मोबाईल आणि ब्रॉडबँड सेवा सध्या आऊटेजचा सामना करत आहेत. गेल्या काही तासांपासून हा प्रोब्लेस सुरु आहे. यावर सुमारे ४०० हून अधिक युजर्सनं तक्रारी नोंदवल्या आहेत. याशिवाय जिओची वेबसाईटही डाऊन असल्याचं म्हटलं जात आहे.

युजर्सच्या तक्रारींना जिओ केअर सपोर्टनंही रिप्लाय देताना जिओ डाऊन असल्याला पुष्टी दिली आहे. त्यांनी म्हटलं की, जिओ नेटवर्क काही भागांमध्ये आऊटेजचा सामना करत आहे. यामध्ये दिल्ली, मुंबई, चेन्नई, हैदराबाद, बंगळुरु या मेट्रो शहरांसह इतर शहरांमध्येही जिओ डाऊन झालं आहे.