Rohit Pawar : शिंदे फडणीवस पवार सरकारने आपल्या कार्यकाळात केलेल्या जाहिरातींवरील खर्चाची यादी राष्ट्रवादी काँग्रेस पक्षाचे नेते आमदार रोहित पवार यांनी जाहीर केली आहे. यावेळी राज्य सरकारने गेल्या ७ महिन्यांत ४२.४४ कोटी रुपयांचा खर्च जाहिरातींवर केल्याचं त्यांनी म्हटलं आहे.

रोहित पवार यांनी ट्विट करून या खर्चाचा तपशील मांडला आहे. यात ते म्हणाले आहेत कि, सरकारच्या पहिल्या सात महिन्यात जाहिरातीवरील खर्च ₹42.44 कोटी म्हणजेच दिवसाला ₹20 लाख खर्च आहे. शासन आपल्या दारी योजनेचा निव्वळ जाहिरातीचा ₹52.90 कोटी खर्च केला आहे

मागच्या वर्षात राबविलेल्या योजनांची यंदा जाहिरात करण्यासाठी ₹26 कोटी खर्च. सत्ताधारी आमदारांच्या सुरक्षेसाठी एका वर्षाला ₹150 कोटी खर्च.

योजना राबविल्या आहेत,कामं केली आहेत, तर इतकी जाहिरात करण्याची खरंच गरज आहे का ? असा सवाल पवारांनी विचारला आहे.

याचबरोबर केलेली कामं जनतेपर्यंत पोहचण्यासाठी जाहिराती गरजेच्या आहेत का ? हा वायफळ खर्च टाळून, सर्वसामान्यांसाठी कुठली योजना राबविता आली असती का ? तुमचं काय मत आहे ? असाही प्रश्न केला आहे.