Sahara India Refund Process:केंद्रीय गृह आणि सहकार मंत्री अमित शाह यांनी मंगळवारी (दि.१८ जुलै) सहारा रिफंड पोर्टस लॉंच केलं. या पोर्टलच्या माध्यमातून सहारामध्ये पैसे गुंतवलेल्या गुंतवणूकदारांना त्यांचे अडकलेले पैसे परत मिळतील.
देशाभरातील लाखो लोकांचे पैसे सहारा इंडियामध्ये अडकलेले आहेत. या पोर्टलच्या लॉंच होण्याने गुंतवणूकदारांच्या पैसे परत मिळण्याच्या आशा बळावल्या आहेत.
सहारा रिफंड पोर्टलच्या उद्घाटनाच्या कार्यक्रमात अमित शाह म्हणाले की सहारा इंडियामध्ये ज्या लोकांचे पैसे अनेक वर्षांपासून अडकेले आहेत. अशा लोकांचे पैसे परत करण्याची प्रक्रिया सुरु करण्यात आली.
अमित शाह पोर्टल लॉंचच्या कार्यक्रमात म्हणाले की सुरुवातीच्या टप्प्यात जवळपास चार कोटी लोकांना याचा फायदा होणार. सहारा रिफंड पोर्टलच्या माध्यमातून पारदर्शक पद्धतीने ५००० कोटी रुपये गुंतवणूकदारांना परत मिळतील.
सहाराबद्दल बोलताना ते म्हणाले की अनेक वर्ष कोर्टात केस चालली होती. नरेंद्र मोदी यांच्या सरकारने गुंतवणूकदारांच्या हितासाठी या रिफंड पोर्टलच्या माध्यमातून पहिलं पाऊल उचललं.
ते म्हणाले की सुप्रिम कोर्टाचे निवृत्त न्यायाधीशांनी गुंतवणूकदारांच्या समस्या समजून काम केलं, ही आमच्यासाठी गौरवाची गोष्ट आहे.
ज्या लोकांनी गुंतवणूक केली आहे, त्यांना पैसे परत मिळण्यापासून कोणीही अडवू शकतं नाही. ही खुप मोठी सुरुवात आहे, करोडो लोकांना त्यांची परिपक्व झालेली रक्कम परत मिळायला सुरुवात झालीये.
किती दिवसात परत मिळणार पैसे?
या रिफंड पोर्टलच्या माध्यमातून त्या गुंतवणूकदारांना पैसे परत मिळतील, ज्यांच्या गुंतवणूकीची मॅच्युरिटी पूर्ण झाली आहे. या पोर्टलवर आधी गुंतवणूकदाराला आपलं नाव नोंदवावं लागेल.
पडताळणी झाल्यानंतर पैसे परत करण्याची प्रक्रिया सुरु केली जाईल. गुंतवणूकदारांचे कागदपत्र सहारा समुहाकडून ३० दिवसांच्या आत पडताळणी केली जाईल.
त्यानंतर ऑनलाईन क्लेम दाखल करण्यासाठी १५ दिवसांच्या आत एसएमएसच्या माध्यमातून गुंतवणूकदारांना सुचना दिल्या जातील. त्यानंतर गुंतवणूकदारांच्या खात्यात पैसे येतील.
रिफंड पोर्टल लॉंच झाल्यानंतर सहारा इंडियामध्ये गुंतवणूक केलेल्या १० कोटी लोकांसाठी ही आनंदाची बातमी होती.(Latest Marathi News)
ज्या गुंतवणूकदारांनी सहारामध्ये पैसे गुंतवले आहेत, त्यांना आधी चेक करावं लागेल की त्यांचा पैसा कोणत्या कोऑपरेटीव्हमध्ये लागला आहे. त्यानंतर त्यांना गुंतवणूकीसंबंधी कागदपत्र गोळा करावे लागतील.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.