कर्नाटकातील विजयनगर येथील होस्पेटजवळ झालेल्या भीषण अपघातात सात जणांचा मृत्यू झाल्याची घटना समोर आली आहे. खाणकाम करणाऱ्या दोन टिप्पर लॉरी आणि काप यांच्यात हा अपघात झाला असून या अपघातात सात जणांना जीव गमवावा लागला आहे.
कर्नाटकातील विजयनगर येथील होस्पेटजवळ झालेल्या भीषण अपघातात सात जणांचा मृत्यू झाल्याची घटना समोर आली आहे. खाणकाम करणाऱ्या दोन टिप्पर लॉरी आणि क्रुझर गाडी यांच्यात हा अपघात झाला,
मिळालेल्या माहितीनुसार, क्रूझरमध्ये १३ जण प्रवास करत होते. दरम्यान अपघातामधील जखमींची प्रकृती चिंताजनक आहे. तसेच जखमींना सरकारी रुग्णालयात दाखल करण्यात आले असल्याची माहिती विजयनगरचे एसपी श्रीहरी बाबू यांनी दिली आहे.
नेमकं झालं काय?
सोमवारी संध्याकाळी विजयनगर जिल्ह्यातील राष्ट्रीय महामार्गावर एका ट्रकने कारला धडक दिली. या नंतर मागून येणाऱ्या दुसर्‍या ट्रकलाही या कारची धडक बसली. या अपघातात तीन महिला आणि एका लहान मुलासह सात जण ठार झाले. पोलिस सूत्रांनी सांगितले की, ट्रक चित्रदुर्गहून होस्पेटच्या दिशेने येत असताना त्याचे स्टेअरिंग तुटले आणि वाहन रस्त्याने विरुद्ध बाजूला गेले.
तेवढ्यात एक एसयूव्ही हरपनहल्लीहून होस्पेटच्या दिशेने येत होती. नियंत्रण सुटलेला ट्रक त्या कारला धडकला आणि उलटला. त्यानंतर मागून येणाऱ्या एका टिप्परने देखील त्याच कारला धडक दिली आणि त्यात बसलेल्या सर्व सात जणांचा मृत्यू झाला.
सर्व मृत हे होस्पेटच्या उक्कडकेरी येथील होते, पोलिसांनी सांगितले की ते हरपनहल्ली तालुक्यातील कूलल्ली मंदिरात गेले होते. पीडितांमध्ये तीन पुरुष, तीन महिला आणि एका पाच वर्षांच्या मुलीचा समावेश आहे. या घटनेत दोन्ही ट्रकचे चालक जखमी झाले असून त्यांना हॉस्पेट शासकीय रुग्णालयात दाखल करण्यात आले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.