नवी दिल्लीः दिल्लीमधून धक्कादायक घटना समोर आली आहे. परराष्ट्र मंत्रालयामध्ये काम करणाऱ्या एका वाहन चालकाला पोलिसांनी आज अटक केलीय.

परराष्ट्र मंत्रालयामध्ये ड्रायव्हर असलेल्या या इसमाने गोपनीय आणि संवेदनशील माहिती पाकिस्तानला दिल्याचा दावा करण्यात येतोय. या व्यक्तिच्या अटकेसाठी पोलिसांनी सुरक्षा यंत्रणांची मदत घेतली.

हेही वाचाः का आहे जैन आणि हिंदु धर्मियांत साहचर्य?

माहिती मिळतेय की, या ड्रायव्हरला पाकिस्तानची गुप्तचर संस्था आयएसआयने हनी ट्रॅपमध्ये फसवलं होतं. त्यामुळे तो गोपनीय माहिती पाकिस्तानला पुरवत होता. 'न्यूज १८ हिंदी'ने याबाबतचे वृत्त दिले आहे.

या चालकाच्या अटकेनंतर पोलिस आणि सुरक्षा यंत्रणा खडबडून जाग्या झाल्या आहेत. परराष्ट्र मंत्रालयामध्ये काम करणारे इतरही लोक यामध्ये सहभागी आहेत का? याबाबत तपास सुरु झाला आहे. परराष्ट्र मंत्रालयामध्ये काम करणाऱ्या उच्चपदस्थ अधिकाऱ्यांना नेहमी अशा पद्धतीने अडकवण्याचा प्रयत्न होत असतो. यावेळी पाकिस्तानने चालकाला यामध्ये अडकवलं.