दिवंगत पंजाबी गायक सिद्धू मुसेवाला (Sidhu Moose Wala) याचे वडील आणि आई यांनी केंद्रीय गृहमंत्री अमित शाह (Amit Shah) यांची शनिवारी (ता. ४) चंदीगडमध्ये भेट घेतली. ही बैठक १० ते १५ मिनिट चालली. मुसेवाला यांच्या कुटुंबीयांनी शाह यांच्याकडे हत्येप्रकरणी उच्चस्तरीय चौकशीची मागणी केल्याची माहिती समोर येत आहे. (Sidhu Musewalas parents visit Amit Shah Demand for high level inquiry)

पंजाबी गायक सिद्धू मुसेवालाची (Sidhu Moose Wala) गोळी झाडून हत्या करण्यात आली होती. सिद्धूला काही गुंडांकडून धमक्या येत होत्या. त्यानंतरही पंजाबमधील आम आदमी पक्षाने (Aam Aadmi Party) सिद्धूची सुरक्षा काढून घेतली होती. सरकारने सुरक्षा हटवल्याच्या दुसऱ्याच दिवशी सिद्धूची हत्या झाली होती.

शनिवारी केंद्रीय गृहमंत्री अमित शाह चंदीगडमध्ये आहे. यादरम्यान सिद्धू मुसेवाला (Sidhu Moose Wala) याच्या पालकांनी शाह (Amit Shah) यांची भेट घेतली आणि १० ते १५ मिनिटे चर्चा केली. मुसेवाला यांच्या कुटुंबीयांनी शाह यांच्याकडून हत्येची उच्चस्तरीय चौकशीची मागणी केली आहे. यावेळी भाजपचे अनेक दिग्गज नेते उपस्थित होते.

पंजाबमध्ये भाजप पक्ष मजबूत करण्याचा प्रयत्न

सिद्धू मुसेवाला (Sidhu Moose Wala) याच्या आई-वडिलांची भेट घेतल्यानंतर अमित शाह चंदीगड भाजप कार्यालयाकडे रवाना झाले. पंजाब काँग्रेसचे आणखी चार बलाढ्य नेतेही भाजपमध्ये प्रवेश करू शकतात, अशी माहिती समोर येत आहे. नुकतेच पंजाबचे माजी पीसीसी प्रमुख सुनील जाखड यांनी भाजपमध्ये प्रवेश केला होता. पंजाबमध्ये भाजप पक्ष मजबूत करण्याचा प्रयत्न करीत आहे. त्यासाठी अमित शाह पक्षाच्या नेत्यांची मोठी बैठकही घेऊ शकतात.