हायलाइट्स :

• सलग १०० दिवस ९ तास झोपली

• उठताच हातात लाखोंचं बक्षीस

• पाहा कोण आहे त्रिपर्णा चक्रवर्ती

Sleeping Record : एकीकडे मुख्यमंत्री किती कमीवेळ झोपूनही किती एनर्जिएटिक राहतात याची चर्चा रंगत आहे. तर, एका भारतीय मुलीने चक्क १०० तास झोपण्याचा विक्रम केला आहे.

पश्चिम बंगालच्या त्रिपर्णा चक्रवर्ती तरुणीने सलग १०० दिवस झोप काढून देशातील पहिली स्लीपिंग चॅम्पियन म्हणून विक्रम केला आहे. या तरुणीने तब्बल १०० दिवस झोपून हा विक्रम केला आहे. तिने तब्बल साडे चार लाख प्रतिस्पर्ध्यांना मागे सोडून तिने ही स्पर्धा जिंकली आहे. इतकंच नाही तर त्यासाठी तिला लाखोंचं बक्षीसही मिळालं आहे.

पश्चिम बंगालच्या हुगळी येथे राहणाऱ्या या तरुणीने सर्वोत्कृष्ट झोपेचा किताब पटकावला आहे. त्यासाठी तिला ५ लाख रुपये बक्षीस म्हणून मिळाले आहेत. तब्बल साडे चार लाख स्पर्धकांना मागे टाकत, श्रीरामपूर, हुगळीच्या त्रिपर्णा चक्रवर्तीने सर्वोत्कृष्ट झोप घेणाऱ्या व्यक्तीचा किताब पटकावला आहे.

याबद्दल त्रिपर्णा म्हणाली की, अखिल भारतीय स्तरावर अशा प्रकारची स्पर्धा आयोजित केली जात असल्याचे ऑनलाइन वेबसाइटद्वारे कळल्यावर तिने या स्पर्धेत सहभागी होण्यासाठी अर्ज केला. या स्पर्धेत एकूण साडे चार लाख अर्ज आले होते. ज्यामध्ये १५ स्पर्धकांची निवड करण्यात आली होती. त्यातून अंतिम स्तरावर स्पर्धेचे विजेते होण्यासाठी ४ जणांची निवड करण्यात आली.

अंतिम सामन्यात तिने चौघांवर मात करत सर्वोत्कृष्ट स्लीपिंग पर्सनचा किताब पटकावला. त्यानुसार या स्पर्धेसाठी प्रत्येक स्पर्धकाला एक मॅट्रेस आणि स्लीप ट्रॅकर देण्यात आलं होतं. या सर्वांना सर्वाधिक झोपण्याची क्षमता दाखवण्यास सांगण्यात आले.

त्रिपर्णाने सलग १०० दिवस ९ तास झोपून हा विक्रम आपल्या नावे केला आहे. त्यानंतर तिने ही स्पर्धा जिंकली. ही स्पर्धा जिंकल्याबद्दल तिला ६ लाखांचे बक्षीसही मिळाले आहे. तिला प्रत्येकी एक लाख रुपयांचे सहा धनादेश देण्यात आले आहेत.

त्रिपर्णा चक्रवर्ती यांनी सांगितले की, लहानपणापासूनच तिला झोपण्याची खूप आवड आहे आणि तिला जेव्हाही झोप येते तेव्हा ती बिनदिक्कत झोपते. बोर्डाच्या परीक्षेपासून ते मुलाखतीच्या परीक्षेपर्यंत अनेकवेळा तिला परीक्षेच्या वेळीही अनेकदी ती झोपली आहे.

सध्या त्रिपर्णा अमेरिकेत एका बहुराष्ट्रीय कंपनीत काम करते आणि सध्या तिचं वर्क फ्रॉम होम सुरुये. यासाठी तिला रात्री काम करावं लागते. ज्याची भरपाई ती दिवसभर झोपून करते. तिच्या आवडीनुसार या स्पर्धेचे जेतेपद पटकावल्याने तिला खूप आनंद झाला आणि तिला स्वतःचा अभिमान वाटतो.