Sonali Phogat Case : सोनाली फोगाट खून प्रकरणात एक मोठी बातमी समोर आली आहे. सोनाली फोगट खून प्रकरण आता सीबीआयकडे सोपवण्याचा निर्णय गोवा पोलिसांनी घेतला आहे. या प्रकरणी सोनाली फोगट यांची कन्या यशोधरा फोगाट यांनी रविवारी पंतप्रधान नरेंद्र मोदींना पत्र लिहून याप्रकरणाचा तपास सीबीआयमार्फत करण्याची मागणी केली होती. त्यानंतर आता या हत्याप्रकणाचा तपास सीबीआयतर्फे करण्यात येणार आहे.
सोनाली फोगाट यांचा ड्रग्जच्या ओव्हर डोसमुळे मृत्यू
ड्रग्जच्या ओव्हर डोसमुळे सोनाली फोगट यांचा मृत्यू झाला असल्याचे गोवा पोलिसांनी म्हटले आहे. सोनाली यांनी गोव्यात पोहोचल्यानंतर थांबलेल्या हॉटेलातच जेवण केले होते. 22 ऑगस्ट रोजी रात्री ती पहिल्यांदा त्या रिसॉर्टबाहेर आल्या होत्या. त्यांनी कर्लीज रेस्टॉरंटमध्ये डिनर केला होता. त्यानंतर त्याच रात्री त्यांचा मृत्यू झाला होता.
फोगाट यांचा स्वीय सहायक सुधीर सांगवान आणि सचिव सुखविंदर सिंग पाल यांना आता या प्रकरणात अटक करण्यात आली आहे. संशयित आरोपीने हणजूण येथील रेस्टॉरंटमधील पिण्याच्या पाण्यात विषारी पदार्थ मिसळल्याची कबुली दिली आहे.
आरोपीने हे कृत्य का केले याबाबत खुलासा करताना संशयित आरोपींनी सोनाली फोगाट यांची मालमत्ता, आर्थिक संपत्ती हडपणे तसेच त्यांची राजकीय कारकीर्द संपवण्याच्या उद्देशाने या दोघांनी सोनाली यांची हत्या केल्याचे पोलिसांनी सांगितले आहे.
यशोधराचा जीव धोक्यात?
दरम्यान, सोनाली फोगाट यांच्या हत्येनंतर संपूर्ण मालमत्तेची वारसदार यशोधारा याच असणार आहेत. त्यामुळे अशा परिस्थीती यशोधारा यांच्या जीवाला धोका असल्याचे कुटुंबियांचे म्हणणे आहे. त्यामुळे संबंधित कुटुंबियांनी यशोधारा यांना पोलीस संरक्षण देण्याची मागणी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.