रांची : दुचाकीवरून पर्यटन करणाऱ्या स्पेनच्या महिलेवर सामूहिक बलात्काराची धक्कादायक घटना झारखंडमध्ये शुक्रवारी रात्री घडली. हा प्रकार हंसडिहा पोलिस ठाण्याच्या हद्दीत कुरमाहाट येथे घडल्याचे सांगितले जात आहे.
याप्रकरणी पोलिसांनी तिघांना अटक केली आहे. पीडित महिलेस मारहाण केली असून सरय्याहाट येथील प्रथमोपचारानंतर तिला दुमका येथे आणले. पीडित महिला स्वत:च बाईक चालवतच सरय्याहाट येथून दुमकाला पोचली.
स्पेनची २८ वर्षीय महिला आपल्या पतीसमवेत भारतात पर्यटनासाठी आली होती. ते दोघेही वेगवेगळ्या बाईकवरुन प्रवास करत होते. हे जोडपे दुचाकीवरून बांगलादेशहून दुमकाला पोचले होते. तेथून बिहारमार्गे नेपाळला जाणार होते.
ते भागलपूरकडे जात होते. रात्री उशीर झाल्याने हंसडीहा बाजाराच्या अगोदर एका सामसूम ठिकाणी तंबू उभारला आणि ती महिला झोपली. मात्र परिसरातील युवक तेथे आले आणि त्यांनी सामूहिक बलात्कार केला. तिला मारहाणही केली. या घटनेनंतर आरोपी पळून गेले. पीडितेने दिलेल्या माहितीनुसार, पाच ते सहा लोकांनी अत्याचार केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.