नवी दिल्ली - राजधानी दिल्लीत (Delhi) कोरोनाचा (Corona) उद्रेक अजूनही आटोक्यात येत नसल्याने सर्व महाविद्यालयीन ऑनलाइन वर्गही (Online Class) १६ मेपर्यंत बंद (Close) करण्याचा निर्णय दिल्ली विद्यापीठाने (Delhi University) घेतला आहे. अनेक शिक्षकांना (Teacher) कोरोना संसर्ग झाल्यामुळे हा निर्णय घेणे भाग पडले आहे. (Teachers break online class due to corona infection)

दिल्ली विद्यापीठाचे रजिस्ट्रार विकास गुप्ता यांनी आज एका पत्रकाद्वारे ही माहिती दिली. दिल्लीतील खासगी शाळांनी राज्य सरकारच्या निर्देशानंतर सर्व प्रकारच्या ऑनलाइन, सेमी ऑनलाइन शैक्षणिक तासिका उन्हाळी सुट्टी संपेपर्यंत म्हणजे किमान नऊ जूनपर्यंत बंद करण्याचे यापूर्वीच जाहीर केले होते.

अनेक महाविद्यालयांनी सध्याच्या काळातही ऑनलाइन वर्ग सुरू ठेवले होते. मात्र महाविद्यालयीन शिक्षकांपैकी अनेकांनाही कोरोनाची लागण झाली. परिणामी ऑनलाइन तासिकांचे वेळापत्रक विस्कळित होऊ लागले. दिल्लीतील संसर्गाची सध्याची गंभीर परिस्थिती पाहता हे ऑनलाइन वर्ग महाविद्यालयांनी स्थगित करावेत अशी मागणी शिक्षक-प्राध्यापक, पालक आणि विद्यार्थ्यांकडून होऊ लागली होती. यानंतर दिल्ली विद्यापीठाच्या प्रशासनाने आज एक पत्रक काढून ऑनलाइन वर्ग १६ मेपर्यंत स्थगित करण्याचे जाहीर केले आणि त्यानंतरचे वेळापत्रक विद्यार्थ्यांना सांगितले जाईल असेही नमूद केले.

शाळांमध्ये लसीकरण, चाचणी केंद्रे

दिल्लीतील बहुतेक सर्व सरकारी शाळांमध्ये सध्या कोरोना लसीकरण किंवा चाचणी केंद्रे सुरू आहेत. परंतु काही ठिकाणी लशींचा तुटवडा जाणवत आहे. सर्व खासगी शाळांनी सध्याचे ऑनलाइन आणि सेमी ऑनलाइन वर्ग बंद करण्याचे केले आहे. सीबीएसईच्या वेळापत्रकानुसार जूनच्या मध्यापर्यंत चालणाऱ्या उन्हाळी सुट्ट्या संपेपर्यंत परिस्थिती निवळेल अशी आशा आहे. त्यामुळे खासगी शाळांनी २० एप्रिल ते नऊ जून या काळात सर्व प्रकारचे ऑनलाइन, सेमी ऑनलाइन तासिका बंद करण्याचे जाहीर केले आहे.