नवी दिल्ली : अमरावतीची जनता सहिष्णू आहे. ती कधीच दंगल करणार नाही. यामागे मुख्यमंत्री उद्धव ठाकरे सरकारचा छुपा हेतू होता. मात्र ही दंगल पूर्वनियोजित होती, असा आरोप केला जातो. मग उद्धव ठाकरे झोपा काढत होते का, त्यांनी होणारी अनुचित घटना का रोखली नाही, अशी घणाघाती टीका खासदार नवनीत राणा यांनी केली आहे.
नवनीत राणा यांनी आज अमरावती दंगलीचा मुद्दा लोकसभेत उपस्थित केला. देवेंद्र फडणवीस मुख्यमंत्री असताना दंगली झाल्या नाहीत. त्यांनी सर्व जातीधर्मांशी सलोखा राखत राज्य कारभार केला. पण उद्धव ठाकरे मुख्यमंत्री असताना दंगल झाली, हे त्यांचे अपयश आहे. या प्रकारामुळे महाराष्ट्राची देशभर बदनामी झाली. आता ही दंगल पूर्वनियोजित असल्याचा आरोप ते करीत आहेत. पण सरकार तुमचे होते. मग होणारी घटना तुम्ही रोखू का शकला नाहीत, असा सवाल त्यांनी केला.
दंगल झाल्यानंतर भाजपवर टीका करण्यापेक्षा उद्धव ठाकरे यांनी सत्तेत असताना दंगल का झाली, याचे प्रथम जनतेला उत्तर द्यावे. या दंगलीची उच्चस्तरीय चौकशी झाली पाहिजे.
- नवनीत राणा, खासदार
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.