Train incident in UP : उत्तर प्रदेशातील (uttar pradesh) मथुरा जिल्ह्यातील मथुरा-दिल्ली रेल्वे मार्गावर (mathura) सिमेंटने भरलेल्या मालगाडीचे (Train incident) 15 डबे रुळावरून घसरले. शुक्रवारी रात्री उशिरा ही ट्रेन दिल्लीहून (delhi) आग्र्याला येत होती. या अपघातामुळे मथुरेच्या दिशेने येणाऱ्या सर्व रेल्वेगाड्यांचे (railway) मार्ग वळवण्यात आले आहेत

रेल्वेगाड्यांचे मार्ग वळवण्यात आले

मुंबईहून येणाऱ्या राजधानी शताब्दी साप्ताहिक ट्रेन युवा स्पेशलसह महत्त्वाच्या गाड्या दिल्लीला जाण्यासाठी वेगळ्या मार्गाने वळवण्यात आल्या आहेत. मथुरा रेल्वे स्थानकावर उतरणाऱ्या प्रवाश्यांसमोर मोठा प्रश्न निर्माण झाला आहे. रुळावरून डबे हटवण्यासाठी रेल्वे प्रशासन युद्धपातळीवर काम करत आहे.

रेल्वे आणि पोलीस प्रशासनाचे स्थानिक अधिकारी घटनास्थळी दाखल

मात्र, धुक्यामुळे त्यांना वाचवण्यात अडचणी येत आहेत. अपघाताची माहिती मिळताच रेल्वे आणि पोलीस प्रशासनाचे स्थानिक अधिकारी घटनास्थळी दाखल झाले. रेल्वे अधिकाऱ्यांनी मोठ्या क्रेन मागवून ट्रॅक साफ करण्यास सुरुवात केली. ट्रॅक साफ करण्याचे काम जोरात सुरू आहे.

उत्तर मध्य रेल्वेचे मुख्य जनसंपर्क अधिकारी डॉ. शिवम शर्मा यांनी दिलेल्या माहितीनुसार, वंडर सिमेंट साइडिंग राजस्थानहून गाझियाबादकडे जाणाऱ्या मालगाडीचे १५ डबे मथुरा-पलवल मुख्य रस्त्यावरील वृंदावन-भूतेश्वर येथे उलटले.