नवी दिल्लीः राष्ट्रीय टेस्टिंग एजन्सी अर्थात एनटीएने संयुक्त सीएसआयआर-यूजीसी-नेट परीक्षा रद्द करण्याची घोषणा शुक्रवारी केली. ही परीक्षा २५ जून ते २७ जून दरम्यान होणार होती. लॉजिस्टिक कारणांमुळे परीक्षा स्थगित करण्यात आल्याचं NTA कडून सांगण्यात आलं. नवीन तारीख लवकच वेबसाईटवर घोषित केली जाणार आहे.

एनडीएकडून काढण्यात आलेल्या सर्क्युलरमध्ये म्हटलंय की, २५ ते २७ जून २०२४च्या दरम्यान होणारी नियोजित संयुक्त सीएसआयआर नेट परीक्षा अपरिहार्य परिस्थिती आणि लॉजिस्टिक कारणांमुळे स्थगित करण्यात आलेली आहे. परीक्षेची सुधारित तारीख लवकरच अधिकृत वेबसाईट csirnet.nta.ac.in यावर घोषित केली जाईल.

दरम्यान, १९ जून रोजी केंद्र सरकारने परीक्षेवर प्रश्न उपस्थित करत १८ जून रोजी झालेली यूजीसी-नेट परीक्षा रद्द केली होती. बिहारसारख्या राज्यांमध्ये प्रश्नपत्रिका लीक होणं आणि नीट परीक्षेमधील गैरव्यवहाराच्या आरोपांमुळे नेट परीक्षा रद्द करण्यात आलेली होती.