नुकताच UPSC चा निकाल लागला. त्यामध्ये देशातल्या जवळपास ९३३ जणांची निवड झाली. या दरम्यान, एक फोटो सध्या व्हायरल होत आहे. यामध्ये काही तरुण नदीच्या घाटावर अभ्यास करताना दिसत आहेत.

पटनाच्या गंगा घाटावर गेल्या काही दिवसांपासून दर आठवड्याच्या शेवटी, शेकडो सरकारी नोकरी इच्छुक देशाच्या विविध भागांतून विशेषतः बिहार, उत्तर प्रदेश आणि राजस्थानमधून स्पर्धा परीक्षांच्या तयारीसाठी येतात. याचं कारण म्हणजे या विद्यार्थ्यांना मोफत वर्ग उपलब्ध करून देणारे शिक्षक, त्यातील बहुसंख्य विद्यार्थी आर्थिक दुर्बल घटकातील आणि राज्यातील दुर्गम भागातील आहेत. (Competitive Exams)

या विद्यार्थ्यांना मोफत वर्ग घेणारे एसके झा म्हणाले की, सुमारे १२,०००-१४,००० इच्छुक सध्या त्यांच्या परीक्षेची तयारी करत आहेत. इथं शिकणारे बहुतेक विद्यार्थी रेल्वे भर्ती बोर्ड (RRB) आणि कर्मचारी निवड आयोगासाठी (SSC) इच्छुक आहेत.

"इथं सर्व विद्यार्थी, नॉन-टेक्निकल पॉप्युलर कॅटेगरी (NTPC) मधले आहेत, ज्यांनी त्यांची पहिली संगणक-आधारित चाचणी (CBT-1) आधीच उत्तीर्ण केली आहे," एसके झा यांनी ANI ला सांगितलं. एसके झा यांच्याकडे ३०-३५ लोकांची टीम आहे जी परीक्षेच्या तयारीसाठी आठवडाभर अथक परिश्रम करतात.

या विद्यार्थ्यांचा फोटो सध्या सोशल मीडियावर चांगलाच व्हायरल होत आहे. प्रत्येकजण हा फोटो पाहून विद्यार्थ्यांचं कौतुक करत आहे. तसंच त्यांच्या परिश्रमाचंही कौतुक करत आहे.