Vadodara Boat Capsize Incident
गुजरातमधील वडोदराजवळील हरणी तलावात काल (गुरुवार) बोट उलटली. या अपघातात १४ जणांचा मृत्यू झाला आहे. त्यात १२ विद्यार्थी आणि दोन शिक्षकांचा समावेश आहे. या बोटीत एका खासगी शाळेचे २७ विद्यार्थी होते.
बोटीची क्षमता १४ लोकांची होती परंतु २७ पेक्षा जास्त लोक बोटीवर होते. PMNRF मृतांच्या कुटुंबाला 2 लाख रुपये आणि जखमींना ५० हजार रुपयांची आर्थिक मदत करणार आहे. राज्य सरकार मृतांच्या कुटुंबीयांना ४ लाख रुपये आणि जखमींना ५० हजार रुपये देणार आहे. (Gujarat News)
दरम्यान १२ विद्यार्थी आणि २ शिक्षकांचा मृत्यू झाल्याप्रकरणी १८ जणांविरुद्ध गुन्हा दाखल करण्यात आला आहे. या प्रकरणी पोलिसांनी मुख्य आरोपीसह दोघांना अटक केली. उर्वरित आरोपींना पकडण्यासाठी ९ पथके तयार करण्यात आली आहेत. त्यांचा शोध सुरू आहे.
गुरुवारी सायंकाळी साडेपाचच्या सुमारास हा अपघात झाला. बोटीत क्षमतेपेक्षा जास्त लोक होते असे सांगण्यात येत आहे. तसेच, कोणालाही लाईफ जॅकेट घालण्याची सक्ती करण्यात आली नाही. बोट पलटी होताच घटनास्थळी गोंधळ झाला. बोटीतील मुले आणि इतर लोक मदतीसाठी आवाज देत होते. माहिती मिळताच पोलीस-प्रशासनाचे पथक घटनास्थळी पोहोचले. बचाव पथक घटनास्थळी पोहोचेपर्यंत अनेक मुले बुडाली होती. (Latest Marathi News)
सुटका करण्यात आलेल्या मुलांना रुग्णालयात दाखल करण्यात आले असून, त्यांच्यावर उपचार सुरू आहेत. अपघातानंतर गुजरातचे मुख्यमंत्री घटनास्थळी पोहोचले. त्यांनी उच्चस्तरीय चौकशीचे आदेश दिले होते. तसेच डीएमकडून १० दिवसांत अपघाताचा अहवाल मागवला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.