नवी दिल्लीः विश्व हिंदू परिषदेच्या वतीने काँग्रेस अध्यक्ष मल्लिकार्जून खर्गे यांना एक नोटीस पाठवण्यात आलेली आहे. बदनामी प्रकरणी नोटीस बजावण्यात आलेली असून तब्बल शंभर कोटी रुपयांची नुकसान भरपाई देण्याची मागणी या नोटिसीद्वारे करण्यात आलीय.

कर्नाटक विधानसभेच्या निवडणुकीची रणधुमाळी सुरु आहे. बजरंग दलाची बदनामी केल्याप्रकरणी काँग्रेस अध्यक्ष मल्लिकार्जून खर्गे यांना शंभर कोटी रुपयांच्या नुकसान भरपाईची नोटीस पाठवण्यात आलेली आहे.

काँग्रेसने जाहीरनाम्यात बजरंग दलावर बंदी घालण्याची घोषणा केली. याविरोधात विश्व हिंदू परिषद आक्रमक झालेलं आहे. काँग्रेस आणि त्यांच्या पदाधिकाऱ्यांवर कारवाई करण्याची मागणी करण्यात येतेय.

कर्नाटक निवडणूक आयोगाकडे यासंदर्भात तक्रार करण्यात आलीय. काँग्रेसचे राष्ट्रीय अध्यक्ष मल्लिकार्जुन खर्गे यांना नोटीस पाठवण्यात आली आहे. त्यामुळे काँग्रेसच्या अडचणींमध्ये मोठ्या प्रमाणावर वाढ होणार असल्याचं दिसून येत आहे.

कर्नाटक विधानसभा निवडणुकीच्या निमित्ताने वातावरण पेटलेलं आहे. मल्लिकार्जून खर्गे यांनी मोदींचा उल्लेख विषारी साप असा केल्याने भाजपने देशभर वातावरण पेटवलं. मोदींनी तर काँग्रेस आपल्याला आजवर ९१ शिव्या दिल्याचं जाहीर केलं. त्याला प्रियंका गांधी यांनीही जशास तसं उत्तर दिलं. आता तर बजरंग दलावरुन वातावरण पेटलेलं आहे.