रायपूर- छत्तीसगडमधील नक्षलवादी हल्ल्यात 24 जवान शहीद (bijapur encounter news) झाले आहेत. जवानांवर झालेल्या या हल्ल्यामुळे देशभरात संतापाची लाट आहे. केंद्रीय गृहमंत्री अमित शहा यांनी या हल्ल्याचा निषेध केला असून नक्षलवाद्यांविरोधातील लढाई अधिक तीव्र होणार असल्याचं म्हटलंय. सुकमा-बिजापूर सीमेदरम्यान झालेल्या या हल्ल्यामागे कुख्यात नक्षलवादी माडवी हिडमा असल्याचं सांगितलं जातंय. हिडमाला पकडण्यासाठी जवानांनी त्यांच्या क्षेत्रात प्रवेश केला होता. 2000 जवानांची टीम वेगवेगळ्या भागात हिडमाच्या टीमला पकडण्याठी जंगलात शिरली होती. सुरुवातीला नक्षलवाद्यांनी जवानांना जंगलात शिरु दिलं, त्यांना कोणीही डिस्टर्ब केलं नाही. सुरक्षा दलांची टीम अनेक भागात विखुरलेली होती. एका टीमला हिडमाच्या बटालियनने (naxali hidma) आपल्या जाळ्यात अडकवलं. त्यानंतर जवानांची घेराबंदी करुन त्यांच्यावर अंदाधुंद गोळीबार सुरु केला. माहितीनुसार, हिडमाच्या बटालियनने जवानांना तीन बाजूंनी घेरलं होतं. जवान घनदाट जंगलात अडकले होते आणि हिडमाची बटालियन डोंगरावरुन गोळीबार करत होती.
कोण आहे माडवी हिडमा?
हिडमा दंडकारण्याच्या जंगलात सक्रीय आहे. हिडमाचे लेटेस्ट असे कोणतेही फोटो नाहीत, तो ४० वर्षांचा असल्याचं सांगितलं जातं. छत्तीसगडच्या सुकमा जिल्ह्यातील तो एक आदिवाशी आहे. ३ एप्रिलला झालेल्या हल्ल्यामागील तो मास्टरमाईंड असल्याचं बोललं जातं. हिडमा हा पीपल्स लिबरेशन गोरिला आर्मी बलाटीयन नं. १ चा एरिया कमांडर आहे. सुकमा जिल्यात सक्रीय असणाऱ्या CPI (Maoist) दंडकारण्य स्पेशल झोन कमीटीचा तो सदस्य आहे. त्याच्यावर ४० लाखांचे बक्षीस ठेवण्यात आलंय.
सुकमा जिल्ह्यातील पुर्वटी गावात त्याचा जन्म झाल्याचं सांगितलं जातं. बस्तरमधील नक्षलवादी चळवळीचा तो चेहरा आहे. तो परिसरात हिदमालू आणि संतोष नावानेही ओळखला जातो. माहितीनुसार, १० वीपर्यंत शिकल्यानंतर त्याने नक्षलवादाची वाट धरली. थोड्यावेळातच तो गोरिला युद्धामधील प्रमुख रणनीतीकारण झाला आहे. नागरिकांच्या माहितीनुसार. सुकमा-बिजापूर येथे झालेल्या हल्ल्याच्या दरम्यान हिडमा त्याठिकाणी उपस्थित होता. असे असले तरी याबाबत अधिकृत माहिती नाही.
मागील वर्षात झालेल्या काही नक्षलवादी हल्ल्यामध्ये त्याचा सहभाग होता. सुरक्षा दल दंडकारण्यात अनेक वर्षांपासून नक्षलवाद्यांशी लढा देत आहेत. सुकमा, बिजापूर, कोंडगाव, कंकर, नारायणपूर, दंतेवाडा आणि जगदलपूरमध्ये नक्षलवाद्यांचा प्रभाव जास्त आहे. २०१० मध्ये नक्षलवाद्यांनी सर्वात भीषण हल्ला केला होता. यात सीआरपीएफचे ७६ जवान शहीद झाले होते. दंतेवाडामध्ये हा हल्ला झाला होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.