Jammu & Kashmir Pulwama News Updates in Marathi: पुलवामा दहशतवादी हल्ल्यातील आरोपी बिलाल अहमद कुचाय याचा जम्मू जीएमसी येथे हृदयविकाराच्या झटक्याने मृत्यू झाला.

2019 मध्ये पुलवामा हल्ल्यातील दहशतवाद्यांना आश्रय दिल्याचा कुचायवर आरोप होता. 2019 मध्ये झालेल्या पुलवामा दहशतवादी हल्ल्यात किमान 40 CRPF जवान शहीद झाले होते.

दरम्यान पुलवामात जवानांवर आत्मघाती हल्ला करणाऱ्या हल्लेखोराने कुचाय याने दिलेल्या फोनवर घटनेचा व्हिडिओ बनवला होता.

मिळालेल्या माहितीनुसार 2019 मध्ये जम्मू-काश्मीरमधील पुलवामा येथे मोठा दहशतवादी हल्ला करणाऱ्या दहशतवाद्यांना बिलाल अहमद कुचाय याने आश्रय दिला होता. याच कुचायचा सोमवारी रात्री हृदयविकाराच्या झटक्याने मृत्यू झाला.

आरोपी कुचायला १७ सप्टेंबर रोजी वैद्यकीय उपचारासाठी जीएमसी जम्मू येथे दाखल करण्यात आले होते. तेथे उपचारादरम्यान त्याचा मृत्यू झाला. तो 5 जुलै 2020 पासून किश्तवाड जिल्हा कारागृहात बंद होता.

2020 मध्ये एनआयएने केली होती अट

2019 मध्ये पुलवामा येथील लेथपोरा येथे सीआरपीएफच्या ताफ्यावर झालेल्या आत्मघातकी हल्ल्यातील कुचायला एनआयएने 2020 मध्ये अटक केली होती.

अहमद कुचाय हा काकापोरा हाजीबल येथे सॉ मिल चालवायचा. तपास एजन्सीच्या म्हणण्यानुसार, बिलालने पुलवामा हल्ल्यात सहभागी असलेल्या जैश-ए-मोहम्मदच्या दहशतवाद्यांना त्याच्या घरात आश्रय दिला होता. यासह दहशतवाद्यांना कुचायने मोबाईल फोनही दिले होते.