नवी दिल्ली - कृषी कायद्याविरोधात सुरु असलेल्या शेतकरी संघटनांपैकी अनेक शेतकरी संघटनांनी सोशल मीडियावर त्यांचं अकाउंट तयार केलं आहे. यापैकी किसान एकता मोर्चाच्या पेजला रविवारी ब्लॉक करण्यात आलं होतं. किसान एकता मोर्चाच्या पेजचे 7 लाख फॉलोअर्स झाले असून त्यांनी इन्स्टाग्राम अकाउंटवरसुद्धा त्यांच्या कंटेंटवर बंदी घातल्याचा दावा केला होता. आता फेसबुकने या सर्व प्रकारावर सोमवारी स्पष्टीकरण दिलं आहे. 

फेसबुकने म्हटलं की, आमच्या रिव्ह्यूमध्ये असं समोर आलं की, ऑटोमेटेड सिस्टमला www.facebook.com/kisanektamorcha फेसबुक पेजवर वेगाने अपडेट झाल्याचं बघायला मिळालं. यानंतर सिस्टिमने पेजला स्पॅम केलं. हे कम्युनिटी स्टँडर्डचं उल्लंघन आङे. जेव्हा सर्व प्रकार समजला तेव्हा तीन तासांच्या आत रिस्टोअर करण्यात आलं होतं. रिव्ह्यूमध्ये दिसतं की ऑटोमेटेड सिस्टिमने फक्त फेसबुक पेजला ब्लॉक केलं होतं. यामुळे इन्स्टाग्रामवर काही परिणाम झाला नव्हता. 

हे वाचा - ब्रिटनमध्ये कोरोनाचा नवा प्रकार; भारतीयांनी घाबरू नये, सरकार सतर्क- केंद्रीय आरोग्यमंत्री

फेसबुक प्रवक्त्यांनी सांगितलं की, स्पॅम विरोधात आमचं काम हे ऑटोमॅटिक असतं. याची ओळख behaivour pattern पाहून केली जाते. उदाहरणासाठी जर एखाद्या अकाउंटवरून एका पाठोपाठ एक पोस्ट्स होत असतील तर सामान्यपणे हे चुकीचं असल्याचं सिस्टिम दाखवते. अशावेळी काही ठिकाणी आमची ह्यूमन रिव्ह्यू टीम काम करते. 

हे वाचा - आधी कोरोना नियंत्रणात आणू, मग CAA वर विचार करु :अमित शहा

रविवारी किसान एकता मोर्चाच्या एका फेसबुक लाइव्हचं प्रसारण रोखण्यात आलं होतं. त्यानंतर पेजसुद्धा ब्लॉक झालं होतं. तेव्हा संघटनेनं आरोप केला की, त्यांच्या सोशल मीडियावर नियंत्रण ठेवण्याचा प्रयत्न केला जात आहे. यामुळे पुन्हा एकदा देशातील फेसबुकची भूमिका आणि ऑनलाइन सेन्सॉरशिपवरून वाद विवाद सुरू झाला होता.