मध्य प्रदेशातील भिंड जिल्ह्यातील मेहगावमध्ये राहणाऱ्या सुनील शर्मा यांची पत्नी ज्योती शर्मा 2 मे रोजी अचानक गायब झाली. सुनीलने प्रथम स्वतः शोध घेतला, पण काहीच हाती लागले नाही. अखेर मेहगाव पोलिस ठाण्यात त्याने तक्रार दाखल केली. त्यानंतर  4 मे रोजी कतरौल गावाजवळच्या शेतात एका महिलेचा जळालेला मृतदेह सापडला. सुनील यांना मृतदेह ज्योतीचा नसल्याचे वाटत होते, मात्र ज्योतीच्या माहेरच्या लोकांनी तो ज्योतीचाच असल्याचे ओळखले.

(Wife fled from mp Bhind was caught in Noida while trying withdraw money from Ladli Behna Yojana)

अंतिम संस्कार आणि नंतरची घटना-

पोस्टमार्टमनंतर आई-वडील आणि पोलिसांच्या दबावामुळे पती सुनील शर्मा यांनी महिलेचा मृतदेह ताब्यात घेऊन अंत्यसंस्कार केले. इतकेच नाही तर अस्थिकलश विसर्जन देखील केले. पत्नीच्या घरच्यांनी केलेल्या आरोपामुळे कारवाई करत पोलिसांनी सुनीलला पकडून बेदम मारहाण देखील केली, मात्र हा मृतदेह ज्योतीचाच आहे हे सत्य मानायला सुनील तयार नव्हता. सुनीलने सांगितले की, त्याने पत्नीची हत्या केली नाही आणि मृतदेह पत्नीचा नव्हता. दिवस सरत गेले आणि सुनील आणि त्याच्या कुटुंबावर पोलिसांचा दबाव वाढत गेला.

सुनील पोलिसांना टाळून दिवस काढत होता, अचानक एके दिवशी सुनील पैसे काढण्यासाठी बँकेत पोहोचला, तेव्हा त्याला समजले की ज्योतीच्या बँक खात्यातून 2700 चे व्यवहार झाले आहेत. ज्योती 'लाडली बहना योजना'च्या पैसे काढताना नोएडामध्ये सापडली. नोएडा पोलिसांनी तिला पकडून मेहगावला नेले. आता पोलिसांसमोर प्रश्न आहे की जळालेला मृतदेह कोणाचा होता?

मध्य प्रदेशात महिलांना आर्थिक मदत देणारी 'लाडली बहना योजना' आहे. दरमहा 1250 रुपये देण्याची तरतूद आहे. ज्योतीने अंगठ्याचा ठसा देऊन रक्कम काढली. यानंतर ही बातमी पोलिसांपर्यंतही पोहोचली. सुनील पोलिसांसह नोएडाला पोहोचला, तेव्हा अचानक फूटपाथवर ज्योती तिची तुटलेली चप्पल दुरुस्त करताना दिसली.