वाराणसी (उत्तर प्रदेश): वाराणसी शहरामधील संजयनगर कॉलनीमध्ये पोलिसांनी सेक्स रॅकेटवर छापा टाकल्यानंतर तीन युवतींनी उड्या मारल्या. यामध्ये एका युवतीचा जागीच मृत्यू झाला असून, दोघीजणी जखमी झाल्या आहेत, अशी माहिती पोलिसांनी दिली.
पोलिस अधिकारी प्रभाकर चौधरी यांनी दिलेल्या माहितीनुसार, संजयनगर मधील एका घरामध्ये सेक्स रॅकेट सुरू असल्याची माहिती स्थानिकांनी दिली होती. रात्रीच्या सुमारास संबंधित घरावर छापा टाकण्यात आला. यामुळे घाबरलेल्या तीन युवतींनी बाहेर उड्या मारून पळून जाण्याचा प्रयत्न केला. इमारतीवरून खाली पडल्यामुळे एका युवतीचा जागीच मृत्यू झाला तिचे वय 28 आहे. दोघी जखमी झाल्या असून, त्यांना उपचारासाठी रुग्णालयात दाखल करण्यात आले आहे. शिवाय, तीन युवकांना ताब्यात घेण्यात आले आहे. घटनास्थळावरून विविध साहित्य जप्त करण्यात आले आहे. यामध्ये पासपोर्ट आढळून आले आहेत. या पासपोर्टवरून युवती परदेशातील असल्याची माहिती पुढे आली आहे. याबाबत पुढील तपास करत आहोत.
दरम्यान, संजयनगरमधील घर हे पप्पू सिंह यांचे आहे. काही दिवसांपूर्वीच त्यांनी भाड्याने दिले होते. या घरामधील वातावरण संशयास्पद वाटल्यामुळे स्थानिकांनी पोलिसांकडे तक्रार केली होती. शिवाय, वाहनांवरून स्थानिकांमध्ये वाद झाले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.