नवी दिल्ली : आज पर्यावरण दिनानिमित्ताने आयोजित केलेल्या मिट्टी बचाओ आंदोलनात पंतप्रधान मोदी सहभागी होणार आहेत. आज सकाळी ११ वाजता विज्ञान भवनात या कार्यक्रमाला सुरवात होणार आहे.

(World Environment Day)

'मिट्टी बचाओ आंदोलन' हे वैश्विक आंदोलन असून जागतिक पातळीवर मातीची होत असलेली धूप आणि बिघडतं आरोग्य कसं सुधारता येईल यावर चर्चा केली जाणार आहे. या कार्यक्रमादरम्यान पंतप्रधान नरेंद्र मोदी हे लोकांना संबोधित करणार आहेत.

मार्च २०२२ मध्ये सद्गुरू यांनी या आंदोलनाची सुरवात केली होती. ज्यांनी २७ देशांत १०० दिवसांची मोटारसायकल यात्रा सुरू केली होती. त्यामध्ये त्यांनी पर्यावरण संरक्षणाची जनजागृती केली होती. आज त्या यात्रेचा आज ७५ वा दिवस आहे. पंतप्रधान मोदी यांचा सहभागामुळे मातीचे आरोग्य सुधारण्यासाठी मदत होणार आहे.

या कार्यक्रमादरम्यान पंतप्रधान नरेंद्र मोदी व्हिडीओ कॉन्फरन्सद्वारे 'पर्यावरणासाठीची जिवनशैली' या विषयावर करून नवीन अभियानाची सुरूवात करणार आहेत. पंतप्रधान कार्यालयाकडून याची माहिती देण्यात आली आहे. यावेळी 'ग्लोबल कॉल फॉर पेपर्स'ची सुरूवात केली जाणार आहे. त्याद्वारे जगभरातील लोकांना पर्यावरणाविषयी जागरूकता पसरवण्यासाठी आव्हान केलं जाणार आहे. यासाठी शिक्षक, विद्यालये आणि संशोधन संस्थाकडून कल्पना मागवण्यात आल्या असल्याची माहिती मिळाली आहे. दरम्यान या कार्यक्रमाला बिल गेट्स हे उपस्थित राहणार असल्याची माहिती पंतप्रधान कार्यालयाकडून देण्यात आली आहे.