नोएडाच्या 'सुपरटेक केप टाउन सोसायटी'चा एक व्हिडिओ सोशल मीडियावर मोठ्या प्रमाणात शेअर होत आहे. या व्हायरल क्लिपमध्ये एक व्यक्ती 12व्या मजल्यावर लटकताना दिसत आहे. युवक सोसायटीत भाड्याच्या खोलीत राहत होता आणि नोकरी गेल्याने तो नैराश्यात गेला होता. त्यानंतर त्याने आत्महत्या करण्याचा प्रयत्न केला आहे. शेजारच्यांमुळे त्याचे प्राण वाचले आहेत.

नेमकं काय घडलं?

मिळालेल्या माहितीनुसार, सोमवारी सकाळी 10 वाजण्याच्या सुमारास पोलीस स्टेशन सेक्टर-113 हद्दीतील सेक्टर-74 मध्ये असलेल्या सुपरटेक केपटाऊन सोसायटीच्या 12व्या मजल्यावरून 21 वर्षीय तरुण उडी मारण्याच्या तयारीत होता. सोसायटी केप कॅसल-१ टॉवरच्या बाराव्या मजल्यावरून उडी मारून तो आत्महत्येचा प्रयत्न करत होता. आत्महत्येचा प्रयत्न करणारा तरुण या सोसायटीचा रहिवासी नाही.सुमारे तीन वर्षे तो आपल्या कुटुंबासह राहत होता. यानंतर, ऑगस्ट 2024 मध्ये, तो त्याच्या कुटुंबासह सेक्टर-49 भागात स्थलांतरित झाला. तरुण नैराश्याने ग्रस्त आहे.

हा तरुण अनेक दिवसांपासून मानसिक तणावातून जात होता. त्याची नोकरी गेल्याने तो नैराश्यात असल्याचे बोलले जात आहे. माहिती मिळताच स्थानिक पोलिसांनी घटनास्थळ गाठून तपास सुरू केला. सेक्टर-113 पोलीस ठाण्याचे प्रभारी पोलीस स्टेशन म्हणाले की, सेक्टर-41 मध्ये राहणारा स्पर्श (21) नावाचा युवक हा मानसिक आजारी असून त्याच्यावर उपचार सुरू आहेत. 6 महिन्यांपूर्वी तो कुटुंबासह येथे राहत होता. सोमवारी तो न सांगता येथे पोहोचला. आत्महत्येचा प्रयत्न करत होता. यावेळी काही लोकांनी त्या तरुणाला पाहून जीव वाचवण्यासाठी त्याला मागून पकडून सुखरूप वाचवले.