Zomato Delivery Boy News नवी दिल्ली : महिलेने झोमॅटो फूड डिलिव्हरी बॉयला (Zomato Delivery Boy) चप्पलने मारहाण केल्याचा व्हिडिओ सोशल मीडियावर व्हायरल होत आहे. मुलगा ऑर्डर देण्यासाठी जात असल्याचे सांगण्यात येत आहे. व्हिडिओवर लोकांनी महिलेवर कारवाई करण्याची मागणी केली आहे. क्लिपमध्ये झोमॅटो डिलिव्हरी बॉय शांतपणे उभा असलेला दिसत आहे.

सोशल मीडियावर व्हायरल होत असलेला हा व्हिडिओ १६ ऑगस्टचा असल्याचे सांगण्यात येत आहे. हा व्हिडिओ डीजे नावाच्या ट्विटर युजरने ट्विटरवर शेअर केला आहे. त्याने दावा केला की ‘डिलिव्हरी बॉय (Zomato Delivery Boy) ऑर्डर घेऊन जात होता. हा व्हिडिओ एका जवळच्या व्यक्तीने रेकॉर्ड केली होती. डिलिव्हरी बॉयला नोकरी जाण्याची भीती आहे.’

युजरने ही घटना घडलेल्या ठिकाणाचा उल्लेख केलेला नाही. या व्हिडिओवर (Video Viral) लोक महिलेवर कारवाई करण्याची मागणी करीत आहेत. घटनेची माहिती मिळाल्यानंतर एकाने झोमॅटो कस्टमर केअरला फोन करून महिलेवर कारवाई झाली आहे की नाही? याची माहिती घेण्याचा प्रयत्न केला. तसेच ही महिला अशी का वागली हे सुद्धा माहीत करण्याचा प्रयत्न केला. मात्र, हे अद्याप कळू शकले नाही.