जगभरातील बाजारपेठा डिजिटायझेशनकडे वळत आहेत. सध्याच्या काळात डिजिटल मार्केटिंगमध्ये (Digital Marketing) करिअर (Career) करणाऱ्या तरुणांना आकर्षक पगाराच्या नोकऱ्या (Jobs) मिळत आहेत, शिवाय करिअरमध्येही वाढ होण्याच्या शक्यता वाढल्या आहेत. डिजिटल मार्केटिंगची नोकरी करण्यासाठी वयोमर्यादा नसल्याने कोणेत्याही वयोगटातील कौशल्य असलेल्या लोकांना नोकरी करता येऊ शकते.

स्टार्टअप्सना डिजिटल मार्केटींगची जास्त गरज

भारत तसेच जगभरात स्टार्टअप्सचा सुवर्णकाळ सुरू आहे. २०२२ मध्ये, भारताने दर पाचव्या दिवशी एक युनिकॉर्न कंपनी तयार केली आहे. युनिकॉर्न कंपनी एक अशी कंपनी असते जिचे मूल्य १ बिलियन डॉलर पेक्षा जास्त आहे. Mamaearth, Fractal, Darwinbox, Dealshare सारख्या इतर कंपन्यांनी यावर्षी हे स्थान मिळवले आहे. याशिवाय इंस्टाग्राम, फ्लिपकार्ट, झोमॅटो, पेटीएम सारख्या कंपन्या आज लोकांच्या गरजेच्या बनल्या आहेत. यासारख्या सर्व कंपन्या डिजिटल मार्केटिंग टीम तयार करत आहेत. त्यामुळे बाजारात डिजिटल मार्केटिंग व्यावसायिकांची मागणी वाढली आहे. भारतभरात सध्या 2 लाखांहून अधिक डिजिटल मार्केटर्सची मागणी आहे . या क्षेत्रात करिअर करणाऱ्या तरुणांना आकर्षक पगारही मिळत आहे.

या क्षेत्रात आहेत चांगल्या संधी

सोशल मीडिया मार्केटिंग एक्सपर्ट

सर्च इंजिन ऑप्टिमायजेशन एक्सपर्ट

कंटेंट मार्केटर

फेसबुक मार्केटर

इमेल मार्केटर

इनबाऊंड मार्केटिंग

वेबअॅनालिटिक्स