गृह मंत्रालयाच्या इंटेलिजन्स ब्युरोमध्ये नोकरीची मोठी संधी चालून आली आहे. आयबीमध्ये विविध पदांवर बंपर भरतीची घोषणा करण्यात आली आहे. यासाठी अर्ज भरण्याची प्रक्रिया आजपासून सुरू होणार आहे. 13 नोव्हेंबरपर्यंत यासाठी अर्ज करता येणार आहे.

IB मध्ये एकूण 677 पदांवर भरती होणार आहे. यांपैकी सिक्युरिटी असिस्टंट/मोटर ट्रान्सपोर्ट या पदासाठी 362 जागा असणार आहेत. तर 315 जागा एमटीएस पदासाठी आहेत. आजपासून (14 ऑक्टोबर) अर्ज भरण्याची प्रक्रिया सुरू करण्यात आली आहे.

किती आहे फी?

ओपन/ओबीसी/ईडब्ल्यूएस या प्रवर्गातील उमेदवारांसाठी 500 रुपये शुल्क भरावे लागणार आहे. तर, एससी/एसटी/पीडब्ल्यूडी आणि महिला उमेदवारांसाठी 50 रुपये शुल्क असणार आहे. 13 नोव्हेंबर नंतर येणारे कोणतेही अर्ज स्वीकारले जाणार नाहीत.

असा करा अर्ज

यासाठी सर्वात आधी उमेदवारांना mha.gov.in या वेबसाईटला भेट द्यावी लागेल. यानंतर होमपेजवर असणाऱ्या IB या पर्यायावर क्लिक करा. यानंतर नवीन पेजवर स्वतःला रजिस्टर करुन, लॉगइन आयडी आणि पासवर्ड जनरेट करावे लागेल.

लॉगइन केल्यानंतर अर्जामधील माहिती भरावी लागेल. त्यानंतर आपला फोटो, सही आणि इतर डॉक्युमेंट्स अपलोड करावे लागतील. यानंतर अर्जाचे शुल्क भरून तुम्ही फॉर्म सबमिट करू शकता.