NEET PG 2024 Exam परीक्षेची तारीख बदलली असून ही परीक्षा आता ७ जुलै रोजी होणार आहे. नॅशनल बोर्ड ऑफ एक्झामिनेशन इन मेडिकल सायन्सेसनं (NBE) यासंदर्भात आज अर्थात ९ जानेवारी रोजी नोटीस काढली आहे. उमेदवारांना यासंदर्भातील सविस्तर नोटीस NBEच्या वेबसाईटवर पाहता येईल. (NEET PG 2024 Exam Date Changed to be Conducted on July 7 NBE Latest Notice)

परीक्षा पुढे ढकलल्याची पसरली होती अफवा

NEET PG 2024 Exam परीक्षा पुढे ढकलली जाणार असल्याची अफवा पूर्वी पसरली होती. पण आता NBEनं अधिकृतरित्या परीक्ष पुढे ढकलल्याची घोषणा केली आहे. यापूर्वी परीक्षा ३ मार्च २०२४ रोजी घेण्यात येणार होती. पण आता नवी तारीख ७ जुलै २०२४ अशी निश्चित करण्यात आली आहे. लवकरच याच्या नोंदणीची प्रक्रिया NBE कडून सुरु करण्यात येणार आहे.

15 ऑगस्टला होणार कटऑफ लिस्ट जाहीर

दरम्यान, NEET-PG 2024 परीक्षेत उपस्थितीसाठी पात्रतेची कटऑफ तारीख 15 ऑगस्ट 2024 असेल, असंही NBEनं म्हटलं आहे. यासाठी NBEची अधिकृत वेबसाईट चेक करत राहण्याचं आवाहन उमेदवारांना करण्यात आलं आहे. (Latest Marathi News)