पुणे - महाराष्ट्र राज्य परीक्षा परिषदेमार्फत राज्यातील विद्यार्थ्यांसाठी घेण्यात येणारी ‘राष्ट्रीय इंडियन मिलिटरी कॉलेज, डेहराडून (उत्तराखंड) प्रवेश पात्रता परीक्षा’ (आरआयएमसी) आता ८ जून २०२४ रोजी घेण्यात येणार आहे. डेहराडून येथील राष्ट्रीय इंडियन मिलिटरी कॉलेजमध्ये इयत्ता आठवीसाठी ही प्रवेश पात्रता परीक्षा आहे. परीक्षेसाठी या आधी १ जून ही तारीख देण्यात आली होती. परंतु आता १ जून ऐवजी परीक्षा ८ जून रोजी होणार आहे.

देशातील १ जून रोजी आठ राज्यांमध्ये लोकसभा निवडणुकीचे मतदार होणार आहे. त्यामुळे ही परीक्षा १ जून ऐवजी ८ जून रोजी घेण्यात येईल, अशी सूचना राष्ट्रीय इंडियन मिलिटरी कॉलेजचे (आरआयएमसी) कमांडंट यांनी दिली आहे. याबाबत अधिक माहितीसाठी ‘www.rimc.gov.in’ या संकेतस्थळाला भेट देण्याचे आवाहन राज्य परीक्षा परिषदेच्या आयुक्त अनुराधा ओक यांनी केले आहे.

परीक्षेचे सुधारित वेळापत्रक -

- शनिवार, ८ जून २०२४

आरआयएमसी परीक्षेचे विषयनिहाय वेळापत्रक -

विषय : वेळ : गुण

गणित : सकाळी ९.३० ते ११ : २००

सामान्य ज्ञान : दुपारी १२ ते १ : ७५

इंग्रजी : दुपारी २.३० ते ४.३० : १२५