आपला ब्रँड तयार करण्याचे काही मार्ग आहेत. फक्त काही खालील टिप्स तपासा...

• संस्थेतील योग्य ते शक्ती केंद्र ओळखा. तुम्ही पारंपरिक/भारतीय संस्थेत काम करत असाल, तेव्हा हे अतिशय आवश्यक ठरते. कदाचित निर्णय घेण्याचा अधिकार तुमच्या बॉसऐवजी दुसऱ्या कोणाला असू शकेल. आपल्या बॉसला प्रोफेशनली बायपास करू नका, परंतु तुमच्या टॉप बॉस/पॉवर स्टेशनला/सत्ता केंद्राला तुमचे योगदान माहीत आहे, का हे बघा.

• संस्थेतील वेगवेगळ्या फोरममध्ये, क्रॉस फंक्शनल टीममध्ये सहभागी व्हा. सभांमध्ये बोलते व्हा, प्रश्न विचारात राहा. संस्थेच्या मासिकामध्ये अथवा इंट्रानेटवर योगदान द्या.

• तुमच्या विभागाच्या उपक्रमांचे, राबवलेल्या कल्पनांचे मासिक अहवाल तयार करा आणि सर्वांना पाठवा. बहुतेक कर्मचारी वेळेवर अहवाल पाठवत नाहीत, परंतु हे अहवाल आवश्यक ठरतात. बहुतेक वेळा असे अहवाल अस्पष्ट असतात, ते समजतील अशा भाषेत तयार करा. त्याची प्रत सर्व संबंधित कर्मचाऱ्यांना पाठवा. मात्र काळजी घ्या. ती फक्त मोठ्या डेटासह माहितीची देवाणघेवाण आणि चालू असलेल्या उपक्रमांची यादी नसावी. प्राप्तकर्त्याने त्यात स्वारस्य दाखवले पाहिजे आणि त्याने/तिला कृत्यांची आणि उपक्रमांची झलक मिळाली पाहिजे.

• आपल्या विषयातील ‘एसएमई’ (सब्जेक्ट मॅटर एक्स्पर्ट, विषयाचे तज्ज्ञ) होण्याचा प्रयत्न करा. संघटना कर्मचाऱ्यांसाठी वेळोवेळी प्रशिक्षण कार्यक्रम आयोजित करत असते. आपल्या स्वारस्य असलेल्या क्षेत्रातील कौशल्य मिळवण्याचा प्रयत्न करा आणि त्या विषयावरील अंतर्गत प्रशिक्षक म्हणून आपल्या मनुष्यबळ विभागाशी संपर्क साधा. कर्मचाऱ्यांना प्रशिक्षण देण्यासाठी संस्था अंतर्गत टेक्निकल ट्रेनरला प्राधान्य देतात. प्रशिक्षण हे एक व्यासपीठ आहे जिथे आपल्याला अधिक एक्सपोजर मिळते. हे करत असताना, आपण आपले सादरीकरण आणि संभाषण कौशल्ये देखील विकसित करू शकता, तसेच तुमचा आत्मविश्वासही वाढतो.

• संस्थेने आयोजित केलेल्या कार्यक्रमांमध्ये सहभागी व्हा. तुमच्या सहकाऱ्यांसह नेटवर्किंग तुम्हाला त्यांना अधिक चांगल्या प्रकारे समजून घेण्यास मदत करेल. तुमच्या संस्थेने आयोजित केलेले कार्यक्रम टाळू नका.

• व्यावसायिक संस्थांचे सदस्यत्व घ्या, व्यावसायिक नेटवर्किंग साइट्सची सदस्यता घ्या. व्यवसाय चर्चेत योगदान द्या. हे आपल्याला व्यवसाय अधिक चांगल्या प्रकारे समजून घेण्यास मदत करेल. व्यावसायिक जर्नल्समध्ये लिहा. हे आपल्याला आपली व्यावसायिक प्रतिमा तयार करण्यात मदत करतील.

• तुम्ही गुगलवर शोधण्यायोग्य आहात का ते तपासा. फक्त गुगलवर तुमचे नाव शोधा आणि तुमच्या नावावर किती हिट येतात ते तपासा. आजकाल बहुतेक कंपन्या गुगलवर उमेदवारांचे संदर्भ तपासतात. ‘गुगल सर्च’ कंपन्या आणि भरती सल्लागारांना विशिष्ट डोमेनमधील व्यावसायिकांचा शोध घेण्यास मदत करते, परंतु खासगी माहिती उघड करताना काळजी घ्या.

• तुमचा ब्लॉग लिहा. परंतु तुम्ही कंपनीच्या माहिती सुरक्षा धोरणांचे उल्लंघन करत नाही ना, हे तपासून बघा.

• महाविद्यालयांमध्ये व्याख्याने द्या, पॅनेल डिस्कशनमध्ये सहभागी व्हा. हे करण्यासाठी आपल्याला आधी तयारी करावी लागते, काहीतरी शिकावे लागते, त्यामुळे सतत शिकण्याची सवय तर लागतेच, मात्र इतरही कौशल्ये पॉलिश करता येतात.

• योग्य लोकांच्या संपर्कात राहा. लोकांशी सहानुभूती बाळगा आणि त्यांच्याशी जोडण्याचा प्रयत्न करा. मेल वापरण्याऐवजी, फिरा आणि चर्चा करा.

हे सर्व करत असताना एक गोष्ट मात्र लक्षात ठेवा, वैयक्तिक सकारात्मक प्रतिमा तयार करणे सोपे नाही. त्यासाठी सर्वप्रथम आपल्यामध्ये काहीतरी आत (कन्टेन्ट) असायला हवे, नाहीतर हा सर्व फुगा कधीही फुटू शकतो. स्वतःच्या प्रतिमेचा फुगा होऊ देऊ नका आणि शेवटी स्वतःच्या प्रतिमेच्या खूप प्रेमातही पडू नका.