नवी दिल्ली : कर्नाटकमधील विधानसभा निवडणूक लढविणार नसल्याचे, मात्र भाजपचा प्रचार मात्र करणार आहे, लोकप्रिय कन्नड अभिनेता किच्चा सुदीपने बुधवारी स्पष्ट केले. पत्रकारांशी बोलताना तो म्हणाला,‘‘मी फक्त भाजपचा प्रचार करणार असून निवडणूक लढणार नाही.’’ कर्नाटकचे मुख्यमंत्री बसवराज बोम्मई यांच्यासह पत्रकार परिषदेत बोलताना ‘बोम्मई हे कोणत्या पक्षाचे आहेत, याचा विचार न करता मी त्यांना पाठिंबा देणार आहे.

मुख्यमंत्री माझे ‘गॉड फादर’ आहेत. मुख्यमंत्री बोम्मई यांना माझा पाठिंबा आहे, असे जेव्हा मी सांगतो तेव्हा ते ज्यांची नावे सुचवतील त्यांना मी समर्थ देईन, ’ असे सुदीप म्हणाला. भाजपची विचारसरणी मान्य आहे, का असे विचारले असता तो म्हणाला, ‘‘मोदी यांनी घेतलेल्या काही निर्णयांचा मी आदर करतो. पण मी आज येथे बसण्याचा त्याच्याशी काही संबंध नाही.