परभणी: भारतीय समाजातील वेगवेगळ्या जाती धर्मामध्ये तेढ निर्माण करणाऱ्या द्वेषपूर्ण वक्तव्यांना आळा घालण्यासाठी कठोर कायदा करण्यात यावा, या मागणीसाठी आम आदमी पक्षाच्यावतीने मंगळवारी निदर्शने करण्यात आली.

भारतामध्ये मागील काही दिवसांपासून अनेकजण बेताल व्यक्तव्य करत आहेत. यामुळे भारताची एकसंघात धोक्यात आली आहे. मुस्लिम धर्मियांचे श्रद्धास्थान असलेल्या प्रेषित मोहम्मद पैंगबर यांच्याबद्दल अपमानजनक व द्वेषपूर्ण वक्तव्य केले जात आहेत. यामुळे हिंदू - मुस्लिम एकता भंग पावत आहे. राज्यघटनेत अभिप्रेत असलेल्या बंधुभाव या तत्वाला हरताळ फासला जात आहे.

या लोकांवर आळा घालण्यासाठी कठोर कायदा करावा या मागणीसाठी आम आदमी पक्षाचे जिल्हाध्यक्ष सतीश चकोर यांच्या नेतृत्वाखाली मंगळवारी (ता.आठ) जिल्हाधिकारी कार्यालयासमोर जोरदार निदर्शन करण्यात आली. यावेळी सतिशचकोर यांच्यासह शेख इसाक शेख सलीम, मोहम्मद जुनेद मोहम्मद सोराब, शेक मोसीन शेख गौस, शेख अमजद शेख मौनू, सय्यद इम्रान सलीम, शेख रफत शेख चांद, शेख मोसीन शेख मोईन, रऊफ खान करीम खान आदी सहभागी झाले होते.

#ElectionWithSakal