२०१९च्या विधानसभा निवडणुकीत आमदार राहुल कुल यांचा निसटता विजय झाला होता. रमेश थोरात यांच्याकडून कडवी लढत. आमदारांचे विकासकामांचे आकडे कोट्यवधी रुपयांमध्ये; पण भरीव कामे नाहीत. अनियमितता आणि अशुद्धतेमुळे ८० टक्के गावांत पिण्याचे पाणी विकत घ्यावे लागत आहे. मुळशीचे पाणी आणण्याचे आश्‍वासन, पण आहे त्या कालव्यांची गळती थांबलेली नाही.

अशी आहे स्थिती :
१. भाजपकडून विद्यमान आमदार राहुल कुल यांना उमेदवारी मिळण्याची शक्यता
२. भाजप जिल्हाध्यक्ष वासुदेव काळे इच्छुक
३. राष्ट्रवादी काँग्रेस पक्षाकडून जागावाटपात मतदारसंघाची मागणी.
४. राष्ट्रवादीकडून वीरधवल जगदाळे व वैशाली नागवडे इच्छुक.
५. राष्ट्रवादी काँग्रेस शरदचंद्र पवार पक्ष जागा लढविणार
६. नामदेव ताकवणे व अप्पासाहेब पवार इच्छुक
७. महिला किंवा नव्या चेहऱ्यास उमेदवारी मिळण्याची शक्यता
८. रमेश थोरात अपक्ष वा पुरस्कृत उमेदवार राहण्याची शक्यता
९. ओबीसी व तिसऱ्या आघाडीची भूमिका महत्त्वाची राहणार

निवडणूक मुद्दे

दौंड तालुक्यात शैक्षणिक संकुल नाही. बेरोजगारी पर्यायाने व्यसनाधीनता व गुन्हेगारीतही वाढ. कुरकुंभ एमआयडीसीत भूमिपुत्रांना नोकरी नाही. औद्योगिक पट्ट्यातील ठेकेदारीत गुन्हेगारी टोळ्यांचा शिरकाव. युवा वर्गाला शिक्षण व नोकरीसाठी दररोज पुणे येथे जावे लागत आहे. भौगोलिक परिस्थिती व दळणवळण सुसह्य असताना नियोजन नाही. कुरकुंभ एमआयडीसीमुळे वायू व जल प्रदूषण. भीमा पाटस कारखान्याचे खासगीकरण. दौंड शहरातील नगरपालिकेच्या अडीच कोटी रुपयांच्या कत्तलखान्याला वाढता विरोध.