राज्यात विधानसभा निवडणुकीचे बिगुल वाजले आहे. महाराष्ट्र विधानसभा निवडणुकीसाठी सर्वच पक्ष उमेदवारांच्या याद्या जाहीर करत आहेत. आज मनसेने ३२ उमेदवारांची सहावी यादी जाहीर केली आहे. निवडणूक आयोगाने जाहीर केलेल्या निवडणुकीच्या वेळापत्रकानुसार २९ ऑक्टोबरपर्यंत उमेदवारी अर्ज दाखल करता येणार आहे. तर ४ नोव्हेंबर ही उमेदवारी अर्ज मागे घेण्याची शेवटची तारीख आहे. यामुळे आता सर्व पक्ष त्यांच्या अंतिम याद्या जाहीर करत आहेत.

२० नोव्हेंबरला विधानसभा निवडणूक होणार असून २३ नोव्हेंबरला मतमोजणी होणार आहे. उमेदवारी अर्ज भरण्यासाठी अवघे दोन दिवस शिल्लक असताना मनसेने विधानसभा निवडणुकीसाठी आपली सहावी यादी जाहीर केली आहे. मनसेच्या पाचव्या यादीत एकूण ३२ उमेदवारांचा समावेश आहे.

मनसे उमेदवारांची यादी

मनसे उमेदवारांच्या सहाव्या यादीत एकून ३२ जणांची नावे घोषित करण्यात आली आहे. यामध्ये नागपूर पूर्वमधून अजय मारोडे यांना उमेदवारी देण्यात आली आहे. नंदुरबारमधून वासूदेव गांगुर्डे, मुक्ताईनगरमधून अनिल गंगतिरे, आर्वीमधून विजय वाघमारे, सावनेरमधून घनश्याम निखाडे यांना उमेदवारी देण्यात आली आहे.

महाराष्ट्र नवनिर्माण सेनेचे अध्यक्ष राज ठाकरे यांचे पुत्र अमित ठाकरे हे मध्य मुंबईतील माहीम विधानसभा मतदारसंघातून निवडणुकीच्या रिंगणात उतरले आहेत. निवडणूक लढवणारे अमित हे ठाकरे कुटुंबातील तिसरे व्यक्ती आहेत. त्यांचे वडील आणि मनसे अध्यक्ष राज ठाकरे यांनी कधीही निवडणूक लढवली नाही.