अकोट: राष्ट्रवादी काँग्रेस शरदचंद्र पवार पक्षाचे निरीक्षक पांडुरंग ठाकरे व शरद पवारांचे निकटस्थ म्हणून ओळखले जाणारे श्याम अवस्थी यांनी विधानसभा निवडणूक तोंडावर असतांना अचानकपणे अकोटला भेट देऊन पक्षाच्या वाढत्या ताकदीचा आढावा घेतला.

निरीक्षक पांडुरंग ठाकरे यांनी बुथ समिती (ग्रामीण)चे जिल्हाप्रमुख कैलास गोंडचर यांच्या निवासस्थानी ता. २७ सप्टेंबर रोजी भेट दिली असता पक्षाचे पदाधिकारी व कार्यकर्त्यांनी निरीक्षकांना पक्षाने अकोटची निवडणूक लढवावी व त्यासाठी स्थानिक उमेदवारास प्राधान्य देण्याची आग्रही मागणी केली.

यावेळी विधानसभा अध्यक्ष नानासाहेब हिंगणकर, प्रदेश प्रतिनिधी शंकरराव चौधरी, जिल्हाप्रमुख बुथ कमेटी कैलास गोंडचर, जिल्हा सचिव प्रमोद लहाने, तालुका अध्यक्ष श्रीयश चौधरी, चारूलता थेटे, आशा गावंडे, वैशाली डिक्कर, मंगला दिंडोकार, नागेश आग्रे, ऐजाज ऐहमद, अक्रम इनामदार, सिकंदर मर्दाने, विवेक बोचे, रामदास मंगळे, सैयद तनवीर, समर्थ अवारे, जमीर इकबाल, सागर काकड, अब्दुल मोबीन, शौकत शाह, रोशन कंकाळ आदी तालुका व शहरचे पदाधिकारी, कार्यकर्ते उपस्थित होते.

#ElectionWithSakal