पाथरी: अनेक योजनांच्या माध्यमातून महायुती सरकारने आहे, ते सर्वसामान्यांना न्याय देण्याचे काम केले आगामी निवडणुकीत महायुतीचा उमेदवार निवडून आणण्यासाठी काम करा, अशा सूचना शिवेसेनेचे खासदार डॉ. श्रीकांत शिंदे यांनी कार्यकर्त्यांना दिल्या.
डॉ. श्रीकांत शिंदे यांच्या नेतृत्वाखाली राज्यव्यापी ‘जनसंवाद’ दौरा सुरू आहे. मंगळवारी (ता. ८) त्यांनी पाथरी येथे मेळाव्याच्या माध्यमातून शिवसैनिकांशी संवाद साधला.
यावेळी व्यासपीठावर शिवसेनेना नेते अर्जुन खोतकर, माजी खा. संजय निरुपम, माजी आ. माणिकराव आंबेगावकर, शिवसेना अल्पसंख्याक प्रदेशाध्यक्ष सईद खान, सचिव आसेफ खान, अनिल जगताप, शिवसेना जिल्हाप्रमुख नाना टाकळकर, माजी नगराध्यक्ष मुंजाजी भाले पाटील, चक्रधर उगले, पप्पू घांडगे, युसुफोद्दीन अन्सारी यांची प्रमुख उपस्थिती होती. खा. शिंदे म्हणाले पाथरीच्या विकासासाठी सईद खान यांनी वारंवार मुख्यमंत्र्यांकडे पाठपुरावा केला आहे.
मुख्यमंत्र्यांनी ही त्यांच्या सर्व मागण्या पूर्ण केल्या आहेत, तीर्थक्षेत्र विकास आराखड्यातुन साईबाबा मंदिर विकासासाठी ९१ कोटी ८० लाखांचा निधी, शहराच्या विकासासाठी २५ कोटी, मुख्यमंत्री सहायता निधी मधून १५ कोटींची मदत व रोजगार मेळाव्यातून ५ हजार २०० लोकांना रोजगार दिला असल्याचा दावा यावेळी त्यांनी केला.
अनेक योजनांच्या माध्यमातून महायुती सरकारने सर्वसामान्यांना न्याय देण्याचे काम केले असून आगामी निवडणुकीत महायुतीचा उमेदवार निवडून आणण्यासाठी काम करा, असे आवाहन केले. मेळाव्याचे प्रस्तावित सईद खान यांनी केले. मेळाव्यास पाथरी मतदारसंघातील शिवसेना पदाधिकारी शिवसैनिक मोठया संख्येने उपस्थित होते.
#ElectionWithSakal
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.