सोलापूर: आतापर्यंत पोस्टल मतांची मोजणी सुरु झाली आहे. आता मतदानाच्या फेऱ्या सुरु झाल्या असून दुपारी साडेचारपर्यंत निकाल हाती येतील. आतापर्यंतच्या मतमोजणीत दुरंगीच लढती पहायला मिळत आहेत. माढ्यात अपक्ष रणजित शिंदे व ‘तुतारी’चे अभिजीत पाटील यांच्यात तर करमाळ्यात ‘तुतारी’चे नारायण पाटील व अपक्ष संजयमामा शिंदे, पंढरपूर-मंगळवेढ्यात भाजपचे समाधान आवताडे व काँग्रेसचे भगिरथ भालके, शहर उत्तरमध्ये भाजपचे विजयकुमार देशमुख व ‘तुतारी’चे महेश कोठे, सांगोल्यात शेकापचे बाबासाहेब देशमुख यांच्यात रस्सीखेच सुरु आहे. शहर मध्यमध्ये भाजपचे देवेंद्र कोठे व एमआयएमचे फारुक शाब्दी, अक्कलकोटमध्ये भाजपचे सचिन कल्याणशेट्टी व काँग्रेसचे सिद्धाराम म्हेत्रे, मोहोळमध्ये राष्ट्रवादीचे यशवंत माने व ‘तुतारी’चे राजू खरे यांच्यात चुरस पहायला मिळत आहे. माळशिरसमध्ये उत्तमराव जानकर हेच आघाडीवर आहेत. दक्षिण सोलापूरमध्ये सुभाष देशमुख आघाडीवर आहेत.

आघाडीवरील उमेदवार

• अक्कलकोट : सचिन कल्याणशेट्टी

• माढा : अभिजीत पाटील

• करमाळा : नारायण पाटील

• पंढरपूर- मंगळवेढा : समाधान आवताडे

• सोलापूर शहर उत्तर : विजयकुमार देशमुख

• सोलापूर शहर मध्य : देवेंद्र कोठे

• दक्षिण सोलापूर : सुभाष देशमुख

• बार्शी : दिलीप सोपल

• मोहोळ : यशवंत माने

• माळशिरस : उत्तमराव जानकर

• सांगोला : बाबासाहेब देशमुख